اسلام آباد۔24 ستمبر(اے پی پی) وفاقی وزیر اطلاعات و نشریات عطاء اللہ تارڑ آکھیے جو فضائی تے ڈرون کارروائیاں دے ذریعے افغان طالبان حکومت دے زیر کنٹرول علاقیں اچ 10 جہیں تے دہشت گرداں دے ٹھکاݨیں تے معاون انفراسٹرکچر کوں مکمل طور تے تباہ کر ݙتا ڳئے جنہاں اچ ڈرونز دی لانچنگ تے ذخیرہ کرݨ دے مقامات وی شامل ہن۔سماجی رابطے دے پلیٹ فارم ”ایکس“ تے اپݨی ھک پوسٹ اچ …
افغان طالبان حکومت دے زیرکنٹرول علاقیں اچ 10 جہیں تے دہشت گرداں دے ٹھکاݨیں تے معاون انفراسٹرکچر کوں تباہ کیتا ڳئے، عطاء اللہ تارڑ
اسلام آباد۔24 ستمبر(اے پی پی) وفاقی وزیر اطلاعات و نشریات عطاء اللہ تارڑ آکھیے جو فضائی تے ڈرون کارروائیاں دے ذریعے افغان طالبان حکومت دے زیر کنٹرول علاقیں اچ 10 جہیں تے دہشت گرداں دے ٹھکاݨیں تے معاون انفراسٹرکچر کوں مکمل طور تے تباہ کر ݙتا ڳئے جنہاں اچ ڈرونز دی لانچنگ تے ذخیرہ کرݨ دے مقامات وی شامل ہن۔سماجی رابطے دے پلیٹ فارم ”ایکس“ تے اپݨی ھک پوسٹ اچ وفاقی وزیر اطلاعات آپریشن غضب للحق دی تفصیلات دا ݙسیندے ھک وڈیو کلپ وی شیئر کیتا جیندے اچ افغان طالبان حکومت دے زیر کنٹرول علاقیں پکتیکا، خوست تے قندھار اچ دہشت گرداں دے ٹھکاݨیں تے معاون انفراسٹرکچر کوں تباہ کریندے ݙکھایا ڳئے۔ وفاقی وزیر اطلاعات آکھیا جو اے اہداف پاکستان دے اندر نہتے شہریاں دے خلاف دہشت گرد حملیں تے 23 ستمبر کوں افغان طالبان حکومت دی طرفوں ڈرون دے ذریعے اڄوکی ناکام در اندازی دی کارروائی نال منسلک ہن۔ وفاقی وزیر آکھیا جو پاکستان دہشت گرد پراکسیز دی طرفوں ٻاہرلی سرپرستی، پناہ تے معاونت دے ذریعے لاحق کہیں وی خطرے دے خلاف اپݨی علاقائی سالمیت دا دفاع تے اپݨے شہریاں دے جان و مال دا تحفظ جاری رکھیسی۔
