اسلام آباد۔1 اکتوبر (اے پی پی) صدرِ مملکت دے ترجمان مرتضیٰ سولنگی افغان طالبان رجیم کوں دہشت گرد تنظیماں کوں محفوظ پناہ گاہواں، تربیت تے نقل و حمل اچ سہولت کاری دے ذریعے انہاں دی مسلسل معاونت کرݨ تے چتاوݨی ݙتی اے ۔ صدر دے ترجمان سماجی رابطے دے پلیٹ فارم ”ایکس“ تے جاری بیان اچ آکھیے جے ناجائز طالبان رجیم اے سمجھدی اے جو او دہشت گرد تنظیماں دے …
صدارتی ترجمان دی افغان طالبان رجیم کوں دہشت گردی دی ”سروگیٹ مدر“ بݨݨ توں باز رہݨ دی چتاوݨی
اسلام آباد۔1 اکتوبر (اے پی پی) صدرِ مملکت دے ترجمان مرتضیٰ سولنگی افغان طالبان رجیم کوں دہشت گرد تنظیماں کوں محفوظ پناہ گاہواں، تربیت تے نقل و حمل اچ سہولت کاری دے ذریعے انہاں دی مسلسل معاونت کرݨ تے چتاوݨی ݙتی اے ۔ صدر دے ترجمان سماجی رابطے دے پلیٹ فارم ”ایکس“ تے جاری بیان اچ آکھیے جے ناجائز طالبان رجیم اے سمجھدی اے جو او دہشت گرد تنظیماں دے ہک جتھے کوں محفوظ پناہ گاہواں، تربیت تے لاجسٹک معاونت ݙیندے دہشت گردی دی ”سروگیٹ مدر“ دا کردار ادا کریسی تاں عالمی تے علاقائی امن و تہذیب دیاں قوتاں انہاں کوں سرپرائز ݙیسن، تاں جو عالمی تے علاقائی امن قوتاں دی طرفوں اے سرپرائز ”انہاں درندیں“ کیتے شاید زیادہ خوشگوار نہ ہووے۔ واضح رہے جو صدر دے ترجمان دا اے بیان پاکستان دی طرفوں افغانستان اچ فتنۃ الخوارج تے فتنۃ الہندوستان دی دہشت گرد تنظیماں دے ٹھکاݨیں تے محفوظ پناہ گاہواں دے خلاف آپریشن غضب للحق دے تسلسل اچ منظم تے مربوط فضائی کارروائی دے بعد سامݨے آئے جیندے اچ ٻہوں دہشت گرد ہلاک تھئے۔
