اسلام آباد۔11 اکتوبر (اے پی پی) وفاقی وزیرِ داخلہ محسن نقوی ضلع کرم دے قریب پاک افغان سرحد تے فتنۃ الخوارج دے دہشت گرداں دی دراندازی دی کوشش ناکام بݨاوݨ تے سکیورٹی فورسز کوں زبردست خراجِ تحسین جݙانجو واقعے اچ شہید نائب صوبیدار ہدایت امان کوں خراجِ عقیدت پیش کیتے۔ وزارتِ داخلہ توں جاری بیان دے مطابق محسن نقوی فائرنگ دے تبادلے دے دوران وطن تے جان نچھاور کرݨ آلے …
وفاقی وزیرِ داخلہ دا پاک افغان سرحد تے دہشت گرداں دی دراندازی دی کوشش ناکام بݨاوݨ تے سکیورٹی فورسز کوں خراجِ تحسین، واقعے اچ شہید نائب صوبیدار کوں خراجِ عقیدت
مزید خبراں
اسلام آباد۔11 اکتوبر (اے پی پی) وفاقی وزیرِ داخلہ محسن نقوی ضلع کرم دے قریب پاک افغان سرحد تے فتنۃ الخوارج دے دہشت گرداں دی دراندازی دی کوشش ناکام بݨاوݨ تے سکیورٹی فورسز کوں زبردست خراجِ تحسین جݙانجو واقعے اچ شہید نائب صوبیدار ہدایت امان کوں خراجِ عقیدت پیش کیتے۔ وزارتِ داخلہ توں جاری بیان دے مطابق محسن نقوی فائرنگ دے تبادلے دے دوران وطن تے جان نچھاور کرݨ آلے بہادر سپوت نائب صوبیدار ہدایت امان دی عظیم قربانی تے انہاں کوں بھرپور خراجِ عقیدت پیش کریندیں ہوئیں لواحقین نال دلی ہمدردی تے تعزیت دا اظہار کیتے۔ انہاں آکھیا جو سکیورٹی فورسز ویلھے تے مؤثر کارروائی کریندیں ہوئیں 12 دہشت گرداں کوں جہنم رسید کیتا اتے سرحد پار توں تھیوݨ آلی دراندازی کوں ناکام بݨا تے دشمن دے ناپاک عزائم کوں خاک اچ ملا ݙتا۔ محسن نقوی وطنِ عزیز دے دفاع اچ مصروف بہادر سپوتاں کوں سلام پیش کریندیں ہوئیں آکھیا جو قوم کوں سکیورٹی فورسز دیاں اعلیٰ پیشہ ورانہ صلاحیتاں تے بے مثال جرات تے فخر اے۔ انہاں عزم دا اعادہ کیتا جو ملک دشمن عناصراں دے خلاف ایں جنگ اچ پوری قوم سکیورٹی فورسز دے شانہ بشانہ کھڑی اے تے وطن دے دفاع تے کوئی آنچ نہ آوݨ ݙتی ویسے۔
