وزیراعظم محمد شہباز شریف دی صدارت دانش آئی ٹی پارک اسلام آباد دے حوالے نال جائزہ اجلاس

اسلام آباد۔12 اکتوبر (اے پی پی) وزیراعظم محمد شہباز شریف دانش آئی ٹی پارک اسلام آباد کوں ٹیکنالوجی دا عالمی معیار دا مرکز بݨاوݨ دی ہدایت کریندیں ہوئیں آکھیا جو پاکستانی نوجواناں کوں آئی ٹی، مصنوعی ذہانت تے فن ٹیک دے شعبیاں اچ جدید مہارتاں دی فراہمی تے آئی ٹی انٹرپرینیورز کیتے نویں مواقع پیدا کرݨ دا پندھ جاری رکھیسوں۔ وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف دی صدارت دانش آئی ٹی پارک اسلام آباد دے حآلے نال جائزہ اجلاس تھیا۔ اجلاس نال خطاب کریندے ہوئیں وزیراعظم آکھیا جو دانش آئی ٹی پارک کوں اکیڈیمیا تے انڈسٹری دے مؤثر اشتراک نال جدید آئی ٹی ایکو سسٹم دا مرکز بݨایا ون٘ڄے۔ وزیراعظم ہدایت کیتی جو دانش آئی ٹی پارک اچ عالمی ٹیکنالوجی کمپنیاں دی شراکت داری نال آپریشنز شروع کیتے ون٘ڄن تے وزارتِ انفارمیشن ٹیکنالوجی دانش آئی ٹی پارک اسلام آباد دے منصوبے دا جامع کیس سٹڈی کرے، دانش آئی ٹی پارک منصوبے دا تھرڈ پارٹی آڈٹ وی کرایا ون٘ڄے۔ اجلاس کوں آئی ٹی برآمدات اچ اضافے تے ایں سیکٹر اچ سرمایہ کاری دے فروغ کیتے جامع ایکو سسٹم دی تشکیل تے بریفنگ ݙتی ڳئی۔ بریفنگ اچ ݙسایا ڳیا جو پاکستان سافٹ ویئر ایکسپورٹ بورڈ (پی ایس ای ب) دے تحت 50 نجی عمارتاں کوں سافٹ ویئر ٹیکنالوجی پارکس اچ اپ گریڈ کیتا ڳئے اتے ملک اچ سٹارٹ اپس دی معاونت کیتے 8 انکیوبیشن سینٹرز قائم کیتے ڳئن جݙانجو آئی ٹی پروفیشنلز کوں سہولیات دی فراہمی کیتے 105 کو ورکنگ سپیسز فعال ہن۔  بریفنگ اچ ٻیا ݙسایا ڳیا جو دانش آئی ٹی پارک اسلام آباد اچ آپریشنز کیتے عالمی ٹیکنالوجی کمپنیاں نال رابطے کیتے ویندے پئن۔ اجلاس اچ وفاقی وزراء مصدق مسعود ملک، احد خان چیمہ، عطا اللہ تارڑ، شزا فاطمہ خواجہ، وزیرِ مملکت بلال اظہر کیانی تے اعلیٰ سرکاری حکام شرکت کیتی۔