صدرِ مملکت آصف علی زرداری دا کوئٹہ دے نیڑے پاک فوج دے تربیتی طیارے دے حادثے اچ ݙو پائلٹس دی شہادت تے افسوس

اسلام آباد۔12 اکتوبر (اے پی پی) صدرِ مملکت آصف علی زرداری کوئٹہ دے نیڑے پاک فوج دے تربیتی طیارے دے حادثے اچ ݙو پائلٹس دی شہادت تے ݙکھ تے افسوس دا اظہار کیتے۔ ایوانِ صدر دے پریس ونگ توں جاری بیان دے مطابق صدرِ مملکت آصف علی زرداری حادثے اچ میجر حسنین شہزاد ہمایوں تے کیپٹن عبدالصمد دی شہادت تے افسوس دا اظہار کریندیں ہوئیں شہداء دے اہل خانہ نال دلی تعزیت تے ہمدردی دا اظہار کیتا۔ صدرِ مملکت شہداء کیتے بلندیِ درجات تے لواحقین کیتے صبرِ جمیل دی دعا کیتی۔