حکومت تے اپوزیشن وچال مذاکرات دے دوران حکومتی ارکان انہاں دے چیمبر، اپوزیشن دے ارکان نال آلے کمرے اچ موجود ہن، سردار ایاز صادق

اسلام آباد۔14 اکتوبر (اے پی پی) سپیکر قومی اسمبلی سردار ایاز صادق اسمبلی اجلاس دے دوران بیرسٹر گوہر کوں مخاطب کریندے آکھیا جو حکومت تے اپوزیشن وچال مذاکرات دے دوران حکومتی ارکان انہاں دے چیمبر جݙاں جو اپوزیشن دے ارکان  نال آلے کمرے اچ موجود ہن، ایں ویلھے امید ہئی جو وقتی معاہدے تے دستخط تھی ویسن تے معاملے بہتری آلے پاسے ویسن ۔سپیکر قومی اسمبلی آکھیا جو ساریں توں پہلے قائدِ حزبِ اختلاف سینیٹ علامہ ناصر عباس انہاں کول آئے تے افسوس دا اظہار کریندے ݙسایا جو اڄ کوئی معاہدہ نی تھی سڳیا۔ ایں موقع تے انہاں واضح کیتا جو مذاکرات دا رستہ بند نی ہووݨا چاہیدا بلکہ ڳالھ مہاڑ دے عمل کوں جاری رہݨا چاہیدے۔سپیکر سردار ایاز صادق مزید آکھیا جو اپوزیشن دی مذاکراتی کمیٹی دے ارکان اتھوں چلیے ڳئے تاں جو بعد اچ بیرسٹر گوہر ول واپس آئے تے انہاں وی ایں موقف دا اظہار کیتا جو مذاکراتی عمل جاری رہݨا چاہیدے۔ انہاں آکھیا جو حکومتی مذاکراتی ٹیم دی وی ایہا رائے ہئی جو مذاکرات دا سلسلہ اڳوں ودھایا ونڄے۔ سپیکر قومی اسمبلی آکھیا جو آپ ایں مینڈیٹ دے نال آئے ہاسے جو فیصلے خود کریسو تاں جو مشاورت دے بعد آپ ایں دے پابند تھی تے رہ ڳئے ہاسے۔ انہاں زور ݙتا جو ایں معاملے تے گھٹ توں گھٹ ڳالھ کیتی ونڄے تاں جو ایوان اچ اوہا ڳالھ کیتی ونڄݨی چاہیدی اے جیڑھی جو درست ہووے۔