اسلام آباد ۔ 3 جنوری (اے پی پی) وزیراعظم عمران خان ترک صدر رجب طیب اردوان دی دعوت تے خمیس کوں ترکی دے2 ڈینھ دے سرکاری دورے تے روانہ تھی گن ۔ وزارت عظمی دا منصب سنبھالنڑ دے بعد انہاں دا ترکی دا اے پہلا دورہ اے ۔ وزیر خارجہ مخدوم شاہ محمود قریشی، وزیر خزانہ اسد عمر ،وزیر منصوبہ بندی مخدوم خسرو بختیار اتے وزیراعظم دے مشیر تجارت عبدالرزاق داﺅد سمیت اعلیٰ سطح دا وفد وی وزیر اعظم دے رلے ہے ۔ دورے دے دوران وزیراعظم عمران خان ترکی دے صدر نال ملاقات اتے ڈوہیں ملکاں وچال سانجھے تعلقات دے بہوں سارے امور تے گال مہاڑ کریسن ۔ایں موقع تے علاقائی اتے عالمی صورتحال تے وی گال مہاڑ تھیسی ۔ وزیراعظم انقرہ اچ قیام دے دوران بزنس فورم نال خطاب اتے ترک کاروباری شخصیات و متوقع سرمایہ کاراں نال ملاقاتاں وی کریسن ۔
