اسلام آباد ۔ 4 جنوری (اے پی پی) وفاقی وزیر پاور ڈویژن عمر ایوب خان آکھیے جو پنجاب تے شمالی سندھ اچ کوہیڑ پاروں بجلی دی ترسیل اچ کہیں وی قسم دی تکنیکی خرابی کوں دور کرنڑ سانگے ہنگامی ٹیماں مقرر کر ڈتیاں گن ،صرف ودھ سارے لاسز آلے علاقیں اچ لوڈ مینجمنٹ کیتی ویندی پئی اے ۔جمعے کوں ہک بیان اچ انہاں آکھیا جو بجلی دی ترسیل تے پیداوار دی صورت حال اچ بہتری آگی اے ،تے ہنگامی ٹیماں کوں اے ذمے واری ڈے ڈتی گی اے او کہیں وی علاقے اچ بجلی دی خرابی کوں ہٹاونڑ سانگے وختی اقدامات کرن۔ساریاں ڈسٹری بیوشن کمپنیاں دے چیف ایگزیکٹو افسراں کوں صورتحال نال نبڑنڑ سانگے پورے طور تے چوکس رہنڑ دی ضرورت اے ۔
