پاکستان مقبوضہ کشمیر اچ انسانی حقوق دی سنگین پامالیاں ،خلاف وزریاں تے صرف نظر نی ،بلکہ پاکستان ہمیشہ اپنڑے کشمیری بھینڑ بھراوں دے نال کھڑا راہسی ، پاکستانی ہائی کمشنرز اتے سفیراں کوں مسئلہ کشمیر دے حقیقی منظرنامے ، اتھاں جاری بھارتی ظلم تے جبر کوں اجاگرکرنڑ سانگے کم کرنڑ چاہیدے صدر مملکت ڈاکٹرعارف علوی دی جمہوریہ چیک سانگے پاکستان دے نامزدسفیرمحمد خالد جمالی نال گالھ مہاڑ

اسلام آباد ۔ 3 ستمبر (اے پی پی)صدر مملکت ڈاکٹرعارف علوی نال منگل کوں جمہوریہ چیک سانگے پاکستان دے نامزدسفیرمحمد خالد جمالی ملاقات کیتی ۔ ایں موقع تے گالھ مہاڑ کریندے ہوئیں صدر مملکت آکھیا جوپاکستان مقبوضہ کشمیر اچ انسانی حقوق دی سنگین پامالیاں ،خلاف وزریاں تے صرف نظر نی ،بلکہ پاکستان ہمیشہ اپنڑے کشمیری بھینڑ بھراوں دے نال کھڑا راہسی۔انہاں آکھیا جو پاکستانی ہائی کمشنرز اتے سفیراں کوں مسئلہ کشمیر دے حقیقی منظرنامے اتے اتھاں جاری بھارتی ظلم تے جبر کوں اجاگرکرنڑ سانگے کم کرنڑ چاہیدے ۔ صدر مملکت آکھیا جوپاکستان جمہوریہ چیک دے نال اپنڑے تعلقات کوں وڈی اہمیت ڈیندے ، جمہوریہ چیک دے نال اپنڑے تعلقات اتے رابطیاں کوں بیا ودھاونڑ دی خواہش رکھیندوں۔ صدرمملکت آکھیا جو ڈوہائیں ملکاں وچال ڈوطرفہ تجارت دا حجم استعداد دے مقابلے اچ گھٹ ہے اینکوں ودھاونڑ سانگے ودھ سارے امکانات موجود ہن۔انہاں آکھیا جوجمہوریہ چیک دے تاجر ا تے سرمایہ کار پاکستان اچ تجارت اتے کاروبار دوست پالیسیاں توں فائدے چیندے ہوئیں کان کنی، متبادل توانائی، ٹیکسٹائل دے شعبے اچ سانجھے منصوبیں، گاڈیاں دی تیاری، اتے بجلی دی پیداواراچ سرمایہ کاری دے مواقع توں چنگے فائدہ چا سگدن۔صدر مملکت نامزدسفیر تے زورڈتا جو ا وہ پاکستانی سیاحت دے ودھارے سانگے خصوصی توجہ ڈیونڑکیونجو پاکستان سیاحت دے حوالے نال استعداد رکھنڑ آلا ملک ہے۔