اتحاد التنظیم المدارس، مدرسے دے طلباءکوں مڈل، میٹرک اتے انٹرمیڈیٹ دے امتحان وفاقی تعلیمی بورڈ اچ بئے عام طلباءدے کٹھے کروانڑ تے راضی تھی گن ، مدارس دے 12 رجسٹریشن مراکز بنڑاونڑ اتے انہاں کوں قومی دھارے اچ شامل کرنڑ سانگے وفاقی کابینہ3 سال دے پروگرام کیتے 2 ارب روپے دے بجٹ دی اصولی منظوری ڈے ڈتی ہے وفاقی وزیر تعلیم تے پیشہ وارانہ تربیت شفقت محموددا پریس کانفرنس توں خطاب

اسلام آباد ۔ 4 ستمبر (اے پی پی) وفاقی وزیر تعلیم تے پیشہ وارانہ تربیت شفقت محمود آکھیے جواتحاد التنظیم المدارس، مدرسے دے طلباءکوں مڈل، میٹرک اتے انٹرمیڈیٹ دے امتحان وفاقی تعلیمی بورڈ اچ بئے عام طلباءدے کٹھے کروانڑ تے راضی تھی گن ۔انہاں آکھیا جو مدارس دے 12 رجسٹریشن مراکز بنڑاونڑ اتے انہاں کوں قومی دھارے اچ شامل کرنڑ سانگے وفاقی کابینہ3 سال دے پروگرام کیتے 2 ارب روپے دے بجٹ دی اصولی منظوری ڈے ڈتی ہے۔وفاقی وزیر تعلیم تے پیشہ وارانہ تربیت شفقت محمود بدھ کوں پریس کانفرنس کریندے ہوئیں آکھیا جو صلاح مشورے دے مختلف اجلاساںدے بعد مدارس دی رجسٹریشن اتے طلباءدے نصاب اتے امتحانی طریقہ کار طے کیتا گئے،جیندے کیتے اوہ مشاورت اچ شریک سارے علماءدے شکر گزار ہن۔انہاں آکھیا جو مدارس دے 12 رجسٹریشن مراکز بنڑاونڑ اتے انہاں کوں قومی دھارے اچ شامل کرنڑ سانگے وفاقی کابینہ3 سال دے پروگرام کیتے 2 ارب روپے دے بجٹ دی اصولی منظوری ڈے ڈتی ہے۔ ایندا پی سی ون تیار کیتا ویندا پئے اتے پلاننگ ڈویژن توں وی ایندی باقاعدہ منظوری گھدی ویسی۔ انہاں آکھیا جو 29 اگست کوں تھیونڑ آلے اجلاس اچ علمائے کرام ایں گالھ تے اتفاق کیتا جو مدرسیاں دے طلباءوی مڈل، میٹرک اتے انٹرمیڈیٹ دے امتحات رائج قومی نصاب مطابق سکولاں اچ پڑھن آلے بئے طلباءدے نال ڈیسن اتے انہاں کوں وی مڈل میٹرک اتے انٹرمیڈیٹ دی ڈگریاں جاری کیتیاں ویسن۔