مسلم امہ ہک مٹھ تھی تے مقبوضہ کشمیر توں کرفیو ہٹاونڑ دا مطالبہ کرے، وزیراعظم عمران خان جرات اتے بہادری نال کشمیریاں دے وکیل بنڑ تے سامنڑے آئے، پاکستان عالمی سطح تے بھارت دا فاشسٹ، نازی، ہٹلر اتے انتہاپسند چہرہ دنیا دے سامنڑے بے نقاب کیتے اطلاعات تے نشریات سانگے وزیر اعظم دی معاون خصوصی فردوس عاشق اعوان دا انٹرنیشنل اسلامک یونیورسٹی اچ بین الاقوامی سیمینار توں خطاب

اسلام آباد ۔ 4 ستمبر (اے پی پی) اطلاعات تے نشریات سانگے وزیر اعظم دی معاون خصوصی فردوس عاشق اعوان آکھیے جو مسلم امہ ہک مٹھ تھی تے مقبوضہ کشمیر توں کرفیو ہٹاونڑ دا مطالبہ کرے، وزیراعظم عمران خان جرات اتے بہادری نال کشمیریاں دے وکیل بنڑ تے سامنڑے آئے، پاکستان عالمی سطح تے بھارت دا فاشسٹ، نازی، ہٹلر اتے انتہاپسند چہرہ دنیا دے سامنڑے بے نقاب کیتے، یونیورسٹی دے طلباء”کرفیو ہٹاﺅ مہم“ دا حصہ بنڑن اتے سوشل میڈیا دے ذریعے ایں مسئلے کوں پوری دنیا تئیں پجاونڑ، یونیورسٹی اچ باہرلے ملکاں توں آئے طلباءاساڈے وکیل ہن، غیر ملکی طلباءپاکستان دے بیانیے کوں اگی تے ودھاونڑ اچ مدد کر سگدن۔ فردوس عاشق اعوان بدھ کوں انٹرنیشنل اسلامک یونیورسٹی اچ ”مقبوضہ کشمیر دی موجودہ صورتحال اتے پاکستان کیتے ایندے امکانات“دے عنوان توں متعلق بین الاقوامی سیمینار نال خطاب کریندے ہوئیں آکھیا جومسلم امہ ہک مٹھ تھی تے مقبوضہ کشمیر توں کرفیو ہٹاونڑ دا مطالبہ کرے۔انہاں آکھیا جو وزیراعظم عمران خان جرات اتے بہادری نال کشمیریاں دے وکیل بنڑ تے سامنڑے آئے ہن۔ انہاں آکھیا جو پاکستان عالمی سطح تے بھارت دا فاشسٹ، نازی، ہٹلر اتے انتہاپسند چہرہ دنیا دے سامنڑے بے نقاب کیتے۔ سیمینار کروانڑ دا مقصد مسئلہ کشمیر دی اہمیت اجاگر کرنڑ، کشمیر اچ جاری ظلم و ستم دے خلاف گالھ کرنڑ اتے امت مسلمہ کوں اٰن سانگے اپنڑیں ذمے داری دا احساس ڈیوانڑ ہا۔ معاون خصوصی آکھیا جو وزیراعظم 6 ستمبر کوں یوم دفاع کشمیر دے طور تے مناونڑ دا فیصلہ کیتے، کشمیر پاکستان دادفاعی حصار ہے، کشمیریاں نال اساڈا پکا رشتہ ہے، پاک فوج دے شہید جواناں دی ماواں اپنڑے پتر پاکستان سانگے قربان کیتے، شہیداں اپنڑے ایمان دی طاقت نال دشمن دا چنگامقابلہ کیتا، جیندا ایمان مضبوط ہوندے اوہ کڈاہیں وی زندگی دی بھیک نی منگدے ۔ انہاں آکھیا جو بھارت طاقت اتے غرور اچ ایجھے فیصلے کر یندا پئے،جیرھے جو خطے سانگے خطرناک ہن۔ سیمینار دے شرکاءکشمیریاں کوں اقوام متحدہ دی قرارداداں دی روشنی اچ حق خود ارادیت اتے سارے بنیادی انسانی حقوق ڈیونڑ، بین الاقوامی برادری، اقوام متحدہ اتے بئے ملکاں توں کشمیری مسلماناں دی مدد کرنڑ اتے اتھاں جاری ظلم و ستم دے خلاف آواز چاونڑ دا مطالبہ کیتا۔ سیمینار دے شرکاءسعودی عرب دا شکریہ وی ادا کیتا جیرھا جو مسلماناں خاص کر کشمیریاں دے مسئلے سانگے اپنڑاں کردار ادا کر یندا پئے۔