اسلام آباد ۔ 5 ستمبر (اے پی پی) ڈپٹی چیئرمین سینیٹ سلیم مانڈوی والا مقبوضہ کشمیر دے عوام نال یکجہتی دا اظہار کریندے ہوئیں آکھیے جو مقبوضہ کشمیر دے حالات بہوں خراب ہن ۔خمیس کوں جاری ہک بیان اچ سلیم مانڈوی والا آکھیے جو مقبوضة کشمیر اچ ہک مہینے توں کرفیو نافذ اے ۔ کشمیری عوام تے ظلم و ستم دے پہاڑ ڈھائے ویندے پن ۔انہاں آکھیے جو مقبوضہ کشمیر اچ کشمیریاں دی نسل کشی کیتی ویندی پئی اے انہاں عالمی براداری تے زور پاتے جو او مقبوضہ کشمیر دے حالات دا نوٹس گھنے ۔مودی سرکاری کشمیریاں تے ظلم بند کرے ۔انہاں آکھیے پاکستانی عوام کشمیریاں نال مکمل یکجہتی دا اظہار کریندی اے تے پاکستان ہر سطح تے کشمیر دے مسئلے کوں اجاگر کریسی ۔
