موسمیاتی تبدیلیاں نال کوئی ملک کلھا نی نبڑ سگدا ، پوری دنیا کوں ایں سانگے رل مل تے کم کرنڑ پوسی ، ایہو سلسہ جاری رہیا تاں قدرتی آفات دی وجہ نال بے گھر لوکیں دی تعداد ودھسی، اپیل کرینداں جو وڈے ملک موسمیاتی تبدیلیاں دے مسئلے کوں سنجیدگی نال گھنڑ، اگر انسان کہیں وی چیلنج کوں قابو کرنڑ سانگے پکا ارادہ کر گھنے تاں اینکوں کامیابی ملدی ہے حالات دی سنگینی دے اندازے پاروں بلین ٹری سونامی منصوبہ شروع کیتا، آندے 5 سال اچ 5 ارب درخت لاونڑ دا ہدف رکھے وزیراعظم عمران خان دا نیویارک اچ موسمیاتی تبدیلیاں بارے سربراہ اجلاس توں خطاب

نیویارک ۔ 23 ستمبر (اے پی پی)وزیراعظم عمران خان آکھیے جو موسمیاتی تبدیلیاں نال کوئی ملک کلھا نی نبڑ سگدا ، پوری دنیا کوں ایں سانگے رل مل تے کم کرنڑ پوسی ، ایہو سلسہ جاری رہیا تاں قدرتی آفات دی وجہ نال بے گھر لوکیں دی تعداد ودھسی، اپیل کرینداں جو وڈے ملک موسمیاتی تبدیلیاں دے مسئلے کوں سنجیدگی نال گھنڑ، اگر انسان کہیں وی چیلنج کوں قابو کرنڑ سانگے پکا ارادہ کر گھنے تاں اینکوں کامیابی ملدی ہے۔ حالات دی سنگینی دے اندازے پاروں بلین ٹری سونامی منصوبہ شروع کیتا، آندے 5 سال اچ 5 ارب درخت لاونڑ دا ہدف رکھے۔ سنوار کوں اقوام متحدہ دی جنرل اسمبلی دے74ویں اجلاس دے موقع تے موسمیاتی تبدیلیاں بارے سربراہ اجلاس توں خطاب کریندے ہوئیں وزیراعظم آکھیا جو 6 سال پتہ لگیا جو پاکستان موسمیاتی تبدیلی توں شدید متاثرہ ملکاں اچ شامل ہے، ہمالیہ تے موجود گلیشیئرز تیزی نال پگھلدے پن، حالات دی سنگینی دااندازہ لیندے ہوئیں بلین ٹری سونامی منصوبہ شروع کیتا، آندے 5 سال اچ 5 ارب درخت لاونڑ دا ہدف رکھے۔ انہاں آکھیا جو موسمیاتی تبدیلیاں نال کوئی ملک کلھا نی نبڑ سگدا ۔ وزیرا عظم آکھیا جوکاربن دے اخراج دے حوالے نال پاکستان دا حصہ ہک فیصد توں وی گھٹ ہے، درجہ حرارت اتنے تکھے ودھدے رہے تاں اساکوں آفات دا سامنڑاں تھی سگدے۔انہاں آکھیا جو دنیا موسمیاتی تبدیلیاں کوں حالی تئیں سنجیدگی نال نی گھندی پی، ایہو سلسہ جاری رہیا تاں قدرتی آفات توں بے گھر تھیونڑ آلے لوکیں دی تعدا ودھسی،جیویں افغانستان توں مہاجرین پاکستان آئے ہن۔ انہاں اپیل کیتی جو وڈے ملک موسمیاتی تبدیلیاں دے مسئلے کوں سنجیدگی نال گھنڑ کیونجو ایندی وجہ نال امیر ملک وی متاثر تھیندے پن۔ انہاں آکھیا جو اگر انسان کہیں وی چیلنج تے قابو کرنڑ دا مضبوط ارادہ کر گھنے تاں اینکوں کامیابی ضرور تھیندی ہے۔