مخلص قیادت، دستیاب وسائل دے چنگے استعمال، محنت نال قومی ترقی اتے اچا مقام حاصل کیتا ونج جا سگدے ، موجودہ حکومت دے چنگے اقدامات پاروں معیشت ٹھیک تھی ہے، بھارت دی فسطائی قیادت اقلیتاں تے ظلم کریندی پی ہے، بھارت کشمیریاں دی جدوجہد آزادی دا گچی نی گھٹ سگدا صدر مملکت ڈاکٹر عارف علوی دا 111 ویں نیشنل مینجمنٹ کورس دے شرکاءتوں خطاب

اسلام آباد ۔ 23 ستمبر (اے پی پی)صدر مملکت ڈاکٹر عارف علوی آکھیے جومخلص قیادت، دستیاب وسائل دے چنگے استعمال، محنت نال قومی ترقی اتے اچا مقام حاصل کیتا ونج جا سگدے ،، ایہ عوامل اوں ویلھے کارگر ہوندن جڈاں سرکاری ملازم ایمانداری دے نال اپنڑیاں صلاحیتاں کوں کر تے چنگے انداز اچ اپنڑے فرائض سر انجام ڈیونڑ ،موجودہ حکومت دے چنگے اقدامات پاروں معیشت ٹھیک تھی ہے، بھارت دی فسطائی قیادت اقلیتاں تے ظلم کریندی پی ہے، بھارت کشمیریاں دی جدوجہد آزادی دا گچی نی گھٹ سگدا۔ سنوار کوں ایوان صدر اچ ایگزیکٹو ڈویلپمنٹ انسٹی ٹیوٹ اتے نیشنل سکول آف پبلک پالیسی (این ایس پی پی) دے تربیت دے 111 ویں نیشنل مینجمنٹ کورس اتے سری لنکا دے سول افسراںاتے شرکاءتوں خطاب کریندے ہوئیں آکھیا جو موثر اتے غیر جانبدار سول سروس نظم و نسق دے فعال نظام دا مرکزی نکتہ ہے۔انہاں آکھیا جو سینئر سول سرونٹس دا بطور لیڈر اتے ریاست دے کسٹوڈین دی حیثیت نال کردار خصوصی اہمیت رکھیندے ۔ انہاں افسراں تے زور ڈتا جوا وہ اپنڑے ذہن اچ لوکیں دی چنگائی کوں جاءڈیونڑ اتے انہاں کوں ہر ویلھے عوامی خدمات دی چنگائی سانگے کم کرنڑ چاہیدے۔