چیئرمین این ڈی ایم اے لیفٹیننٹ جنرل محمد افضل دی زلزے دے بعد ریسکیو تے ریلیف بارے میڈیا کو ں بریفنگ

اسلام آباد ۔ 24 ستمبر (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) دے چیئرمین این ڈی ایم اے لیفٹیننٹ جنرل محمد افضل زلزے دے بعد ریسکیو تے ریلیف بارے میڈیا کو ں بریفنگ ڈیندے ہوئیں آکھیا جوزلزلے نال 10 بندے مر گن، جڈاں جو100 دے نیڑے بندیاںدے زخمی تھیونڑ دی تصدیق تھی گی ہے۔انہاں آکھیا جوودھ نقصان آزاد کشمیر دے میرپور شہر اتے جاتلاں اچ تھئے ، منگلا ڈیم متاثر کائنی تھیا۔انہاں آکھیا جو این ڈی ایم اے اتے پاک فوج دی ٹیماں متاثرہ علاقے اچ پج گن ۔200 خیمے، 800 کمبل، کھاونڑ پوینڑ دیاں شئیں اتے دوائیاں متاثرہ علاقیاں اچ بھیجنڑ شروع کر ڈتیاں ہن۔انہاں آکھیا جو ایہ اتنا وڈا بحران کائنی جو عام لوکاں توں امداد دی اپیل کیتی ونجے، اداریاں کنوں وسائل موجود ہن۔ انہاں ڈسایا جو منگل کوں ڈوپہر تقریباچار وجے دے نیڑے 5.8 شدت دا زلزلہ آیا،جیندے جھٹکے اتلے علاقیاں اچ محسوس کیتے گئے، زلزلے دی وجہ نال سبھ توں ودھ میرپور شہر اتے جاتلاں دا علاقہ متاثر تھیا ،جڈاں جو جہلم وی جزوی طور تے متاثر تھئے۔