بھارت کشمیریاں کوں خوف زدہ کرنڑ اچ ناکام تھی گئے، دنیا اچ کوئی کشمیریاں تے ظلم دی نفی نی کر سگدا، ٹرمپ مسئلہ کشمیر اچ ثالثی دی پیشکش کیتی ہے ،جیں تے آساں راضی ہسے، لیکن امریکی صدر دے کردار اچ بھارت رکاوٹ ہے، بھارت دے اقدام خطے دے امن و استحکام کوں داﺅ تے لاتا ہوئے وزیر خارجہ شاہ محمود قریشی دی نجی ٹی وی نال گالھ مہاڑ

اسلام آباد ۔ 25 ستمبر (اے پی پی) وزیر خارجہ شاہ محمود قریشی آکھیے جوبھارت کشمیریاں کوں خوف زدہ کرنڑ اچ ناکام تھی گئے، دنیا اچ کوئی کشمیریاں تے ظلم دی نفی نی کر سگدا، ٹرمپ مسئلہ کشمیر اچ ثالثی دی پیشکش کیتی ہے ،جیں تے آساں راضی ہسے، لیکن امریکی صدر دے کردار اچ بھارت رکاوٹ ہے، بھارت دے اقدام خطے دے امن و استحکام کوں داﺅ تے لاتا ہوئے۔ بدھ کوں نجی ٹی وی نال گالھ مہاڑ کریندے کریندے ہوئیں شاہ محمود قریشی آکھیا جو ساری دنیا جانڑدی ہے جو 50 توں ودھ ڈینھ تھی گن جو کشمیر اچ کرفیو جاری ہے ،اتھاں انسانی حقوق دا سنگین مسئلہ پیدا تھی گئے، غذااتے دوائیاں دی گھٹکی ہے، ڈائیلاسز دے مریضاں دے مرنڑ دیاں خبراں آندایں پن ، لوکیں دی ہسپتالاں تئیں رسائی کائن ہے، لوکیں کوں ڈیتھ سرٹیفکیٹ جاری نی کیتے ویندے پن، 34ڈینھ تئیں کرفیو اچ رہونڑ آلے ڈاکٹر قاضی اپنڑیاں اکھیں نال ڈٹھا ہویا حال وزیر اعظم اتے میڈے نال شیئر کیتا۔انہاں آکھیا جوبھارت کشمیریاں کوں خوف زدہ کرنڑ اچ ناکام تھی گئے، دنیا اچ کوئی کشمیریاں تے ظلم دی نفی نی کر سگدا۔ شاہ محمود قریشی آکھیا جو ٹرمپ مسئلہ کشمیر اچ ثالثی دی پیشکش کیتی ہے ،جیں تے آساں راضی ہسے، لیکن امریکی صدر دے کردار اچ بھارت رکاوٹ ہے۔انہاں آکھیا جو بھارت دے اقدام خطے دے امن و استحکام کوں داﺅ تے لاتا ہوئے۔