او آئی سی دے اعلامیے اچ پاکستان دے نقطہ نظر دی توثیق کیتی گی ہے، کشمیریاں دی آواز ہر آندے ڈینھ زور پکڑدی پی ہے ، وزیراعظم عمران خان ،صدر ٹرمپ نال ملاقات اچ مسئلہ کشمیر تے جیڑھاواضح موقف اختیار کیتا اوہ تعریف دے قابل ہے وزیر خارجہ شاہ محمود قریشی دی او آئی سی دے رابطہ گروپ اجلاس دے بعد میڈیا نال گالھ مہاڑ

اسلام آباد ۔ 25 ستمبر (اے پی پی)وزیر خارجہ شاہ محمود قریشی آکھیے جو او آئی سی دے اعلامیے اچ پاکستان دے نقطہ نظر دی توثیق کیتی گی ہے، کشمیریاں دی آواز ہر آندے ڈینھ زور پکڑدی پی ہے ، وزیراعظم عمران خان ،صدر ٹرمپ نال ملاقات اچ مسئلہ کشمیر تے جیڑھاواضح موقف اختیار کیتا اوہ تعریف دے قابل ہے۔ ایہ گالھیں انہاں او آئی سی دے رابطہ گروپ دے اجلاس دے بعد میڈیا نال گالھ مہاڑکریندے ہوئیں آکھیاں۔ انہاں آکھیا جو اج دے رابطہ گروپ دے اجلاس اچ صدر آزاد کشمیر کشمیریاں دی نمائندگی کیتی، اجلاس اچ ہک سانجھے اعلامیے تے سارے ممبراں توثیقی دستخط کیتے ہن، اج جنہاں لوکیں کوں او آئی سی بارے ابہام ہا اوہ مک گئے ۔ انہاں آکھیا جو اج پوری امہ مسئلہ کشمیر بارے ہک مٹھ متحد ہے، وزیر اعظم عمران خان نیویارک ٹائمز دے ایڈیٹوریل بورڈ نال ملاقات کیتی۔ وزیر اعظم عمران خان دی ناروے دے وزیر اعظم نال ملاقات تھیسی اتے کشمیر ایندے اچ زیر بحث آوسی۔ انہاں آکھیا جو میں جی سی سی دے اجلاس اچ وی مقبوضہ کشمیر دے مسئلے تے گالھ کریساں، کشمیریاں دی آواز ہر آندے ڈینھ زور پکڑدی پی ہے ،جیوں وزیر اعظم عمران خان ، صدر ٹرمپ نال کشمیر بارے دوٹوک گالھ کیتی اور قابل فخر ہے۔ انہاں آکھیا جو وزیر اعظم عمران خان دے اقوام متحدہ جنرل اسمبلی اجلاس توں خطاب ویلھے باہر ہزاراں بندے مودی دے خلاف مظاہرہ کر یندے پئے ہوسن۔ انہاں آکھیا جویورپی یونین جیرھی جو 28 ملکاں دی نمائندہ تنظیم ہے ایندے اچ پہلی واری مقبوضہ جموں و کشمیر بارے اقوام متحدہ دی قرارداداں داذکر کیتا گئے، ایہ اساڈا سیاسی اتے سفارتی نقطہ نظر ہا، او آئی سی دے رابطہ گروپ دے جاری اعلامیے اچ وی ایندی توثیق تھئی۔