سلامتی خاص کر دہشت گردی دے ودھدے خطرات نال نبڑن سانگے علاقائی تنظیماں اتے اقوام متحدہ وچال تعاون بہوں ضروری ہے، پاکستان، عوام تے استبداد اتے غیرقنونی قبضے سمیت دہشت گردی دی ہر شکل اتے قسم دی مذمت کریندے،اساں دہشت گردی دے ناسور دا پوری کامیابی نال قلع قمع کیتے، دہشت گردی ودھنڑ اچ معاون ثابت تھیونڑ آلی بنیادی وجوہات کوں دور کیتا ونجنڑ چاہیدے وزیر خارجہ شاہ محمود قریشی دا پائیدار امن وسلامتی دے حوالے نال اقوام متحدہ دی سلامتی کونسل دے مذاکرے توں خطاب

نیویارک ۔ 25 ستمبر (اے پی پی)وزیر خارجہ شاہ محمود قریشی آکھیے جو سلامتی خاص کر دہشت گردی دے ودھدے خطرات نال نبڑن سانگے علاقائی تنظیماں اتے اقوام متحدہ وچال تعاون بہوں ضروری ہے، پاکستان، عوام تے استبداد اتے غیرقنونی قبضے سمیت دہشت گردی دی ہر شکل اتے قسم دی مذمت کریندے،اساں دہشت گردی دے ناسور دا پوری کامیابی نال قلع قمع کیتے، دہشت گردی ودھنڑ اچ معاون ثابت تھیونڑ آلی بنیادی وجوہات کوں دور کیتا ونجنڑ چاہیدے ۔ ایہ گالھیں وزیر خارجہ بدھ کوں ”پائیدار امن تے سلامتی سانگے اقوام متحدہ دا علاقائی اتے ذیلی علاقائی تنظیماں دے نال تعاون: سی ایس ٹی او، سی آئی ایس اتے ایس سی او دی دہشت گردی دے خطرات نال نبڑن سانگے کوششاں“ دے موضوع تے اقوام متحدہ دی سلامتی کونسل دے مذاکرت توں خطاب کریندے ہوئیں کیتے۔ انہاں آکھیا جو سبھ توں پہلے روسی فیڈریشن دے وزیرخارجہ کوں خراج تحسین پیش کرینداں جو انہاں ایں وزارتی مذاکراہ کراونڑ دا انتظام کیتا ۔ انہاں آکھیا جو سلامتی سانگے اتے دہشت گردی دے ودھدے خطرات نال نبڑن سانگے انہاں علاقائی تنظیماں اتے اقوام متحدہ وچال تعاون ضروری ہے۔ وزیر خارجہ آکھیا جو ’ ایس سی او‘ رکن ملکاں اتے اقوام متحدہ کوں مورخہ 30 اگست 2019ءکوں یو این جی اے اچ ”اقوام متحدہ اتے شنگھائی تعاون تنظیم وچال تعاون“ دی قرارداد منظور کرنڑ تے مبارخ ڈینداں، پاکستان قرارداد پیش کرنڑ آلیاں اچ شامل ہا۔انہاں آکھیا جوسلامتی خاص کر دہشت گردی دے ودھدے خطرات نال نبڑن سانگے علاقائی تنظیماں اتے اقوام متحدہ وچال تعاون بہوں ضروری ہے، پاکستان، عوام تے استبداد اتے غیرقنونی قبضے سمیت دہشت گردی دی ہر شکل اتے قسم دی مذمت کریندے،اساں دہشت گردی دے ناسور دا پوری کامیابی نال قلع قمع کیتے، دہشت گردی ودھنڑ اچ معاون ثابت تھیونڑ آلی بنیادی وجوہات کوں دور کیتا ونجنڑ چاہیدے ۔ انہاں تجویز ڈتی جو ’ایف ٹی ایف‘ دی عراق اتے شام توں دنیا دے بئے حصیاں اچ منتقلی وڈا چیلنج ہے۔ اقوام متحدہ اتے بی تریوے تنظیماں کوں ایجھے تخلیقی انداز اپناونڑ پوسن،جیرھے جو ایں خطرے دا تدارک کرنڑ جیندے اچ ایجھے مطلوبہ لوکیں دی نقل وحرکت بارے اطلاعات داتبادلہ کرنڑ دا طریقہ کار وی شامل ہے۔ وزیر خارجہ شاہ محمود قریشی صلاح ڈتی جو ’ایس سی او‘۔’آر اے ٹی ایس‘ اتے ’اقوام متحدہ‘۔’سی ٹی ای ڈی‘ وچال مفاہمت دی یاداشت (ایم او یو) کوں وختی فعال کیتا ونجے اتے ’ایس سی او‘ ارکان دی مدد نال ایم او یو دے دائرہ کار مطابق ایندی سرگرمیاں ترتیب ڈتیاں ونجنڑ چاہیدن۔