بھارت مقبوضہ کشمیر اچ ریاستی دہشت گردی اچ ملوث ہے، بابری مسیت اتے گجرات اچ مسلماناں دے قتل عام تے بھارتی عدالتاں انصاف ڈیونڑ اچ ناکام رہیاں، نریندر مودی اسلامو فوبیا اتے دہشت گردی دا کارڈ استعمال کر یندا پئے ، پاکستان دہشت گردی دے خلاف جنگ اچ سبھ توں ودھ قربانیاں ڈتیاں ہن، مقبوضہ کشمیر اچ کرفیو مکنڑ دے بعد ردعمل آوسی، افغانستان اچ پاکستان دا مرکزی کردار جڈاں جو بھارت دا کوئی کردار کائنی ہے، پاکستان بھارت سمیت سارے ہمسایہ ملکاں دے نال یاری آلے تعلقات چاہندے، ملک اچ بلا امتیاز، شفاف اتے موثر احتساب تھیندا نظر آونڑ چاہیدے صدر مملکت ڈاکٹر عارف علوی دا پی ٹی وی ورلڈ کوں انٹرویو

اسلام آباد ۔ 25 ستمبر (اے پی پی)صدر مملکت ڈاکٹر عارف علوی آکھیے جوبھارت مقبوضہ کشمیر اچ ریاستی دہشت گردی اچ ملوث ہے، بابری مسیت اتے گجرات اچ مسلماناں دے قتل عام تے بھارتی عدالتاں انصاف ڈیونڑ اچ ناکام رہیاں۔انہاں آکھیا جو نریندر مودی اسلامو فوبیا اتے دہشت گردی دا کارڈ استعمال کر یندا پئے ، پاکستان دہشت گردی دے خلاف جنگ اچ سبھ توں ودھ قربانیاں ڈتیاں ہن۔انہاں آکھیے جو مقبوضہ کشمیر اچ کرفیو مکنڑ دے بعد ردعمل آوسی۔ صدر مملکت آکھیا جوافغانستان اچ پاکستان دا مرکزی کردار جڈاں جو بھارت دا کوئی کردار کائنی ہے۔انہاں آکھیا جو پاکستان بھارت سمیت سارے ہمسایہ ملکاں دے نال یاری آلے تعلقات چاہندے۔انہاں آکھیا جو ملک اچ بلا امتیاز، شفاف اتے موثر احتساب تھیندا نظر آونڑ چاہیدے۔ ایہ گالھیں انہاں بدھ کوں پی ٹی وی ورلڈ کوں انٹرویو ڈیندے ہوئیں آکھیاں۔ صدر مملکت زلزلے دے نتیجے اچ قیمتی جاناں دے ضیاع تے افسوس اتے لواحقین نال ہمدردی دا وی اظہار کیتا۔