عالمی سطح تے اسلام دی حقیقی سنجھانڑ اجاگر کرنڑ سانگے پاکستان اتے ترکی دے میڈیا وچال تعاون ضروری ہے ، مسلم دنیا دے ترائے راہنماواں طیب اردوان، مہاتیر محمد اتے وزیراعظم عمران خان وچال تھیونڑ آلی گالھ مہاڑ مطابق اساڈے عظیم مذہب توں متعلق خلاف فہمیاں دور کرنڑ ضروری ہے، ترک صدر طیب اردوان اقوام متحدہ دی جنرل اسمبلی توں خطاب اچ 72سالاں توں حل دے متنظر مسئلہ کشمیر تے عالمی برادری دی توجہ مبذول کرائی، اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان دی ترکی دے سفیر مصطفی یردکل نال گالھ مہاڑ

اسلام آباد ۔ 26 ستمبر (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جوعالمی سطح تے اسلام دی حقیقی سنجھانڑ اجاگر کرنڑ سانگے پاکستان اتے ترکی دے میڈیا وچال تعاون ضروری ہے ، مسلم دنیا دے ترائے راہنماواں طیب اردوان، مہاتیر محمد اتے وزیراعظم عمران خان وچال تھیونڑ آلی گالھ مہاڑ مطابق اساڈے عظیم مذہب توں متعلق خلاف فہمیاں دور کرنڑ ضروری ہے، ترک صدر طیب اردوان اقوام متحدہ دی جنرل اسمبلی توں خطاب اچ 72سالاں توں حل دے متنظر مسئلہ کشمیر تے عالمی برادری دی توجہ مبذول کرائی ۔ خمیس کوں فردوس عاشق اعوان نال ترکی دے سفیر مصطفی یرد کل اسلام آباد اچ ملاقات کیتی ۔ ایں موقع تے گالھ مہاڑ کریندے ہوئیں معان خصوصی آکھیا جو مسلم دنیا دے ترائے راہنماواں طیب اردوان، مہاتیر محمد اتے وزیراعظم عمران خان وچال تھیونڑ آلی مطابق اساڈے عظیم مذہب اسلام توں متعلق خلاف فہمیاں دور کرنڑ ضروری ہے۔ ڈاکٹر فردوس عاشق اعوان اقوام متحدہ دی قرارداداں مطابق جموں و کشمیر جھیڑے دے مستقل حل سانگے اصولی موقف اتے تعاون سانگے پاکستان ولوں ترکی دا شکریہ ادا کیتا۔انہاں آکھیا جوڈوہائیں ملکاں دے صحافیاں اتے میڈیا پرسنز دے وفود دے تبادلے تھیونڑ چاہیدن ،تاں جوہک بئے دے تجربات اتے مہارت بارے جانڑن نال فائدے گھدے ونج جا سگن۔ انہاں آکھیا جو پاکستان ترکی کوں سیاحت دے شعبے اچ سرمایہ کاری دی پیشکش کریندے ، ترکش کمپنیاں سانگے پاکستان اچ تھرکول ،تھرمل ،ونڈ انرجی ،زراعت ،صحت اتے ٹیکسٹائل سمیت مختلف شعبیں اچ سرمایہ کاری دے ودھ سارے مواقع موجود ہن ۔ترک سفیر آزاد جموںو کشمیر دے حالیہ زلزلے اچ تھیونڑ آلے جانی نقصان تے تعزیت کیتی اتے وزیراعظم دی معاون خصوصی کو ں ڈسایا جوانہاں زلزلے دے فورا بعد این ڈی ایم اے نال رابطہ کیتا اتے متاثرین دے ریلیف سانگے تعاون دی پیشکیش کیتی ۔ ڈاکٹر فردوس عاشق اعوان ترکی دے سفیر ولوں متاثرین دی امداددی پیشکش تے انہاں دا شکریہ ادا کیتا ۔ تر ک سفیر ڈسایا جوترکی داسرکاری اتے پرائیویٹ سیکٹر دا ہک وفد وختی پاکستان دا دورہ کریسی،جیندے نال ڈوہائیں ملکاں وچال سیاحت دے میدان اچ سانجھا تعاون ودھسی۔