پاکستان اتے امریکہ وچال تعلقات ماضی دی نسبت حقیقت اتے اعتماد تے مبنی ہن، میں امریکہ اچ دنیا دے سامنڑے مسئلہ کشمیر اجاگر کرنڑ آیا ہاں، امریکہ دنیا دا طاقتور ترین ملک ہونڑ دی حیثیت نال مقبوضہ کشمیر دی صورتحال اچ تبدیلی گھن تے آسگدے، کوئی عقلمند بندہ ایٹمی ہتھیاراں دے استعمال اتے ایٹمی جنگ دا سوچ وی نی سگدا، افغا نستان دے جھیرا داکوئی فوجی حل کائنی، افغانستان اتے ایران دے جھیڑے کوں حل کرنڑ دنیا سانگے فائدہ ہے وزیراعظم عمران خان دا امریکی ٹیلی ویژن نیٹ ورک ایم ایس این بی سی کوں انٹرویو

اسلام آباد ۔ 26 ستمبر (اے پی پی) وزیراعظم عمران خان آکھیے جو پاکستان اتے امریکہ وچال تعلقات ماضی دی نسبت حقیقت اتے اعتماد تے مبنی ہن، میں امریکہ اچ دنیا دے سامنڑے مسئلہ کشمیر اجاگر کرنڑ آیا ہاں، امریکہ دنیا دا طاقتور ترین ملک ہونڑ دی حیثیت نال مقبوضہ کشمیر دی صورتحال اچ تبدیلی گھن تے آسگدے، کوئی عقلمند بندہ ایٹمی ہتھیاراں دے استعمال اتے ایٹمی جنگ دا سوچ وی نی سگدا، افغانستان دے جھیرا داکوئی فوجی حل کائنی، افغانستان اتے ایران دے جھیڑے کوں حل کرنڑ دنیا سانگے فائدہ ہ۔ا یہ گالھ عمران خان امریکی ٹیلی ویژن نیٹ ورک ایم ایس این بی سی کوں انٹرویو ڈیندے ہوئیں آکھی ۔ انہاں آکھیا جو پاکستان اتے امریکہ ایں ویلھے امن دے سانجھدار ہن اتے یندی بنیاد تے تعلقات ہونڑ وی چاہیدن۔ انہاں آکھیا جو افغانستان دے جھیڑے دا کوئی فوجی حل کائنی ہے۔ انہاں ایران کیتے وی ایجھی پالیسی دی مخالفت کیتی،جیندے پوری دنیا تے اثرات تھی سگدن۔ ہک سوال دے جواب اچ وزیراعظم آکھیا جو امریکہ دنیا دا طاقتور ترین ملک ہونڑ دی حیثیت نال مقبوضہ کشمیر دی صورتحال اچ تبدیلی گھن تے آ سگدے ،جتھاں 9 لکھ بھارتی فوجیاں 80 لکھ بندیاںکوں محصور بنرا تے رکھیا ہوئے۔