جنرل اسمبلی توں خطاب اچ اقوام متحدہ کوں آکھساں جو پاکستان اتے بھارت وچال جھیڑا ودھنڑ دی اجازت ڈیونڑ بہوں خطرناک ہے، کیونجو ڈوہائیں ملکاں کنوں جوہری ہتھیار ہن، ایہ اقوام متحدہ دی ذمہ داری ہے اینکوں مداخلت کرنڑ چاہیدی ہے، مبصرین مقبوضہ کشمیر بھیجوائے ونجنڑ، مقبوضہ جموں و کشمیر اچ شہریاں دی مشکلات بارے دنیا دی بے حسی تے افسوس ہے،اگست اچ بھارتی حکومت مقبوضہ کشمیر دی پرانڑیں خود مختاری کوں ختم کرتے ہزاراں کشمیریاں کوں گرفتار کیتا، لکھاں لوکیں ٹیلی فون اتے انٹرنیٹ سروس دی سہولت توں محروم ہن،جڈاں جواتھاں کرفیو لا ڈتا گئے، ایندے نال پاکستان اتے بھارت وچال جھیڑا ودھے،جیرھے جوہک لمبے عرصہ توں اختلافات دا شکار ہن وزیراعظم عمران خان دی دی نیویارک ٹائمز دے ایڈیٹر نال ملاقات اچ گالھ مہاڑ

نیویارک ۔ 26 ستمبر (اے پی پی) وزیراعظم عمران خان نآکھیے جو اوہ جنرل اسمبلی توں خطاب اچ اقوام متحدہ کوں آکھساں جو پاکستان اتے بھارت وچال جھیڑا ودھنڑ دی اجازت ڈیونڑ بہوں خطرناک ہے، کیونجو ڈوہائیں ملکاں کنوں جوہری ہتھیار ہن،عمران خان آکھیا جو ایہ اقوام متحدہ دی ذمہ داری ہے اتے اینکوں مداخلت کرنڑ چاہیدی ہے، مبصرین مقبوضہ کشمیر بھیجوائے ونجنڑ۔ انہاں آکھیا جومقبوضہ جموں و کشمیر اچ شہریاں دی مشکلات بارے دنیا دی بے حسی تے افسوس ہے،اگست اچ بھارتی حکومت مقبوضہ کشمیر دی پرانڑیں خود مختاری کوں ختم کرتے ہزاراں کشمیریاں کوں گرفتار کیتا، لکھاں لوکیں ٹیلی فون اتے انٹرنیٹ سروس دی سہولت توں محروم ہن،جڈاں جواتھاں کرفیو لا ڈتا گئے، ایندے نال پاکستان اتے بھارت وچال جھیڑا ودھے،جیرھے جوہک لمبے عرصہ توں اختلافات دا شکار ہن۔ انہاں آکھیا جومتنازعہ سرحد دے نیڑے 10 لکھ فوجیاں کوں تعینات کر ڈتا گئے ،جیرھا جو جنوبی ایشیاءدا کشیدہ ترین فلیش پوائنٹ ہے ، ڈوہائیں ملکاں وچال ماضی اچ ڈو جنگاں وی تھی گن۔ عمران خان آکھیا جو اگر اقوام متحدہ ایں بارے گالھ نی کریندا تاں ایندے تے کونڑ گالھ کریسی۔ انہاں آکھیا جو مقامی حکام مطابق گزریل2 مہیناںاچ دوران بھارتی فورسز منتخب نمائنداں سمیت ہزاراں کشمیریاں کوں گھیر یا ہوئے۔ عمران خان آکھیا جوبھارت مقبوضہ کشمیر اچ ظلم کریندا پئے۔ وزیراعظم آکھیا جو انہاں کوں ڈر ہے اتے بالکل ایویں تھیسی ،اتے ایہ وڈا خطرناک ہے کیونجو لوکیں کوں ایہ احساس کائنی جو کیا تھیونڑ آلا ہے، جیڑھے ویلھے کرفیو مکسی اوںٹائم برا قتل عام تھیونڑآلا ہے۔ انہاں امید ظاہر کیتی جو اوہ اقوام متحدہ توں خطاب اچ کجھ ایجھا کرنڑ چاہندن ،تاں جو دنیا اون توں واقف ہو سی۔ کیونجو میکوں مقبوضہ کشمیر اچ نسل کشی دا خطرہ ہے۔