پاکستان فن لینڈ دے نال ڈو طرفہ تعلقات کو ں خصوصی اہمیت ڈیندے، نہتے کشمیریاں کوں بھارتی ظلم توں بچاونڑ سانگے فن لینڈ سمیت عالمی برادری اپنڑاں کردار ادا کرے، بھارت مقبوضہ جموں و کشمیر اچ جاری مظالم نال دنیا دی توجہ ہٹانے کیتے کوئی جعلی فلیگ آپریشن ورگا ڈرامہ کر سگدے وزیر خارجہ شاہ محمود قریشی دی اقوام متحدہ جنرل اسمبلی74ویں اجلاس دے موقع تے فن لینڈ دے وزیر خارجہ تیمو سوئینی نال ملاقات اچ گالھ مہاڑ

اسلام آباد ۔ 27 ستمبر (اے پی پی) وزیر خارجہ شاہ محمود قریشی آکھیے جو پاکستان فن لینڈ دے نال ڈو طرفہ تعلقات کو ں خصوصی اہمیت ڈیندے، نہتے کشمیریاں کوں بھارتی ظلم توں بچاونڑ سانگے فن لینڈ سمیت عالمی برادری اپنڑاں کردار ادا کرے، بھارت مقبوضہ جموں و کشمیر اچ جاری مظالم نال دنیا دی توجہ ہٹانے کیتے کوئی جعلی فلیگ آپریشن ورگا ڈرامہ کر سگدے ۔ جمعہ کوں اقوام متحدہ جنرل اسمبلی چوہترویں دے اجلاس موقع تے شاہ محمود قریشی فن لینڈ دے وزیر خارجہ تیمو سوئینی نال ملاقات کیتی ۔ایں موقع تے ڈوہائیں رہنماواں وچال مقبوضہ جموں و کشمیر اچ جاری انسانی حقوق دی سنگین خلاف ورزیاں اتے خطے اچ امن و امان دی صورتحال بارے گالھ مہاڑ تھئی۔ شاہ محمود قریشی فن لینڈ کو ںمسلسل تریجھی واری یورپی یونین کونسل دی صدارت دا منصب سانبھنڑ تے مبارخباد ڈتی۔ شاہ محمود قریشی آکھیا جوبھارت مقبوضہ جموں و کشمیر اچ نو لکھ فوج تعینات کر تے 80 لکھ کشمیریاں کوں پچھلے 53 ڈینھاں توں محصور کیتا ہوئے۔ذرائع مواصلات تے پابندی پاروں اصل حقیقت سامنڑے نی آندی پی ،لیکن انسانی حقوق دی عالمی تنظیماں اتے بین الاقوامی میڈیا جیرھی رپورٹاں سامنڑے گھن تے آندے پن اوہ بہوں تشویشناک ہن۔ مسلسل کرفیو دی وجہ نال وقدی اچ خوراک اتے دوائیاں تئیں میسر نی تھیندیاں پئیاں ۔اساکوں ڈر ہے جو بھارت مقبوضہ جموں و کشمیر اچ جاری مظالم توں دنیا دی توجہ ہٹاونڑ سانگے کوئی “فالس فلیگ آپریشن” ورگا ڈرامہ کر سگدے۔ وزیر خارجہ آکھیا جو نہتے کشمیریاں کو ںبھارتی ظلم توں بچاونڑ سانگے فن لینڈ سمیت عالمی برادری اپنڑاں کردار ادا کرے۔ڈوہائیں وزرائے خارجہ خطے اچ امن و امان دی صورتحال پاروں رابطے تے صلاح مشورے جاری رکھنڑ تے اتفاق کیتا۔