ٹورازم انڈسٹری کو ری اسٹرکچر کرنڑ اتے ملک دے مثبت تشخص کو ں اجاگر کرنڑ سانگے ٹورازم ٹاسک فورس بنڑائی گی ، ٹورازم ڈویلپمنٹ بورڈ بنڑایا گیا تے ہک ارب روپے دافنڈ رکھیاگئے،مقبوضہ کشمیر اچ ظلمت دی رات مک ویسی ،آزادی دا سورج وختی قوم ڈیکھسی، اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان دا عالمی یوم سیاحت دے موقع تے تقریب توں خطاب

اسلام آباد ۔ 27 ستمبر (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جوٹورازم انڈسٹری کو ری اسٹرکچر کرنڑ اتے ملک دے مثبت تشخص کو ں اجاگر کرنڑ سانگے ٹورازم ٹاسک فورس بنڑائی گی ، ٹورازم ڈویلپمنٹ بورڈ بنڑایا گیا تے ہک ارب روپے دافنڈ رکھیاگئے،مقبوضہ کشمیر اچ ظلمت دی رات مک ویسی ،آزادی دا سورج وختی قوم ڈیکھسی۔انہاں خیالیں دا اظہار فردوس عاشق اعوان جمعہ کوں عالمی یوم سیاحت دے موقع تے ہک تقریب توں خطاب کریندے ہوئیں کیتے۔ انہاں آکھیا جو اقوام متحدہ تحت ہر سال 27 ستمبر کوں عالمی سیاحت دے ڈینھ دے طور تے منایا ویندے۔ انہاں آکھیا جوایہ ہر انسان دی ضرورت نال جڑیا بنیادی حق ہے جوا وہ دنیا کو ں اپنڑیں نظر نال ڈیکھے ۔ ایںحوالے نال اوں کوں سہولت چاہیدی ہے ، روڈ میپ پالیسی چاہیدی ہے ۔ ہک دنیاتوں بی دنیا تئیں پجنڑسانگے موڈ آف کنکشن چاہیدے ۔ایہ سبھ کجھ کرنڑ سانگے وزیر اعظم ٹورازم کوں اپنڑے دل دے نیڑے رکھیاہوئے ،جیرھی شے دل دے نیڑے ہوندی ہے اوں کوں محسوس کریندن اتے اوں کوں امپروو کرنڑ سانگے اگی تے ودھنڑ دی جستجو کریندن۔انہاں آکھیا جوٹورازم انڈسٹری کو ری اسٹرکچر کرنڑ اتے ملک دے مثبت تشخص کو ںاجاگر کرنڑ سانگے ٹورازم ٹاسک فورس بنڑائی گی ، ٹورازم ڈویلپمنٹ بورڈ بنڑایا گیا اتے ہک ارب روپے دافنڈ رکھیاگئے۔انہاں آکھیا جومقبوضہ کشمیر اچ ظلمت دی رات مک ویسی ،آزادی دا سورج وختی قوم ڈیکھسی۔