حکومت پاکستان، پاک فوج ،این ڈی ایم اے اتے سماجی تحفظ دے ادارے مکمل بحالی تئیں زلزلہ متاثرین دے نال کھڑسن، متاثرہ صنعتاں بارے تازہ ترین ڈیٹا بینک بنڑایا ویندا پئے اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان دی زلزلہ متاثرین اچ امدادی چیک تقسیم کرنڑ دی تقریب توں خطاب

میرپور ۔ 2 اکتوبر (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جو وزیراعظم عمران خان دی قیادت اچ میرپوردے زلزلہ متاثرین دی مکمل بحالی تئیں حکومت پاکستان ،پاک فوج ،این ڈی ایم اے اتے سماجی تحفظ دے ادارے نال کھڑسن، ہرسطح تے سیاسی مفادات کوں ہک پاسے رکھ تے متاثرین سانگے کم کرنڑ پوسی ،آزمائش ہمیشہ بہادر اتے جرات مند لوکیں کوں پیش آندی ہے،مقابلہ کرنڑ آلی قوماں آزمائشاں اچ ثابت قدمی نال اگی تے ودھدیاں ہن، متاثرین زلزلہ سانگے معاوضہ ملک دے 22کروڑ عوام دے جذبات اتے احساسات ہن ایہ پہلا مرحلہ ہے مستقبل اچ وی امداد دا عمل جاری راہسی، میرپور دی صنعت وی زلزلے اچ متاثر تھئی ،سارے اداریاں دے نال رل مل تے متاثرین دا ڈیٹا بینک تیار کیتا ویندا پئے، ڈیٹا بینک مکمل تھیونڑ دے بعد باہرلے ملکاں دی امداد گھنڑ نہ گھنڑ دافیصلہ کیتا ویسی ۔ فردوس عاشق اعوان بدھ کوں زلزلہ متاثرین اچ امدادی چیک تقسیم کرنڑ دی تقریب اچ صحافیاں نال گالھ مہاڑ کریندے ہوئیں ایہ گالھیں آکھیاں ۔چیئرپرسن بے نظیر انکم سپورٹ پروگرام ڈاکٹرثانیہ نشتر،چیئرمین این ڈی ایم اے لیفٹیننٹ جنرل محمد افضل ،آزادکشمیردے وزیراں، پی ٹی آئی آزاد کشمیر دے صدر بیرسٹر سلطان محمود چوہدری ،آزاد کشمیر دی انتظامیہ دے عہدیداروی ایں موقع تے موجود ہن ۔ڈاکٹر فردوس عاشق اعوان آکھیاجو وزیراعظم عمران خان دی قیادت اچ میرپوردے زلزلہ متاثرین دی مکمل بحالی تئیں حکومت پاکستان ،پاک فوج ،این ڈی ایم اے اتے سماجی تحفظ دے ادارے نال کھڑسن، ہرسطح تے سیاسی مفادات کوں ہک پاسے رکھ تے متاثرین سانگے کم کرنڑ پوسی ۔انہاں آکھیا جوآزمائش ہمیشہ بہادر اتے جرات مند لوکیں کوں پیش آندی ہے،مقابلہ کرنڑ آلی قوماں آزمائشاں اچ ثابت قدمی نال اگی تے ودھدیاں ہن۔انہاں آکھیا جو متاثرین زلزلہ سانگے معاوضہ ملک دے 22کروڑ عوام دے جذبات اتے احساسات ہن ایہ پہلا مرحلہ ہے، مستقبل اچ وی امداد دا عمل جاری راہسی، میرپور دی صنعت وی زلزلے اچ متاثر تھئی ،سارے اداریاں دے نال رل مل تے کم کیتا ویسی۔ ۔انہاں آکھیا جو حکومت پاکستان ولوں یقین ڈیویندوں جو حکومت آزاد کشمیر جیرھا وی پیکیج گھن تے آوسی ،اساں اوں توں اگی تے ویسوں