علماءاتے آئمہ کرام چھاتی دے سرطان (کینسر)توں متعلق عوامی سطح تے آگاہی ڈیونڑ بارے اپنڑیاں سماجی ذمے داریاں پوریاں کرنڑ، ملک اچ ہک کروڑ توں ودھ تریمتیں کوں چھاتی دے سرطان دا خطرہ ہے، بالاں کوں ماں دا کھیر پیوانڑ نال چھاتی دے کینسر دے امکان گھٹ ویندن صدر مملکت ڈاکٹر عارف علوی دا چھاتی دے سرطان توں متعلق منعقدہ تقریب توں خطاب

اسلام آباد ۔ 7 اکتوبر (اے پی پی) صدر مملکت ڈاکٹر عارف علوی چھاتی دے سرطان بارے عوامی سطح تے ڈساونڑ دی ضرورت تے زور ڈیندے ہوئیں آکھیے جو علماءاتے آئمہ کرام چھاتی دے سرطان (کینسر)توں متعلق عوامی سطح تے آگاہی ڈیونڑ بارے اپنڑیاں سماجی ذمے داریاں پوری کرنڑ، ملک اچ ہک کروڑ توں ودھ تریمتیں کوں چھاتی دے سرطان دا خطرہ ہے، بالاں کوں ماں دا کھیر پیوانڑ نال چھاتی دے کینسر دا امکان گھٹ ویندن ۔ صدر مملکت سنوار کوں ایوان صدر اچ چھاتی دے سرطان توں متعلق ہک تقریب توں خطاب کریندے ہوئیں آکھیا جو وزیراعظم عمران خان کینسر دی بیماری توں چنگی طرح واقف ہن، انہاں شوکت خانم ہسپتال بناونڑ کیتے چنگی جدوجہد کیتی۔ وزیراعظم عمران خان اقتدار اچ آونڑ دے بعد اپنڑیں پہلی تقریر اچ وی تریمتیں اتے بالاں سانگے خوراک دی گھٹکی دے مسئلے کوں اجاگر کیتا۔ صدر مملکت آکھیا جو پاکستان ورگے ملکاں اچ آبادی ودھنڑ وڈا مسئلہ ہے، پاکستان اچ آبادی دے ودھارے بارے گالھ نی کیتی ویندی ،جڈاں جو ایں بارے شعور اجاگر کرنڑدی ضرورت ہے۔انہاں آکھیا جوعلماءاتے آئمہ کرام چھاتی دے سرطان (کینسر)توں متعلق عوامی سطح تے آگاہی ڈیونڑ بارے اپنڑیاں سماجی ذمے داریاں پوری کرنڑ۔انہاں آکھیا جو ملک اچ ہک کروڑ توں ودھ تریمتیں کوں چھاتی دے سرطان دا خطرہ ہے، بالاں کوں ماں دا کھیر پیوانڑ نال چھاتی دے کینسر دا امکان گھٹ ویندن ۔انہاں آکھیا جوہر ماں اپنڑاں معائنہ خود کرے، گلٹی دا شک تھیوے تاں ڈاکٹر کوں چیک کروائے اتے چھاتی دا ایکسرے کرایا ونجے۔ ایں موقع تے تریمت اول بیگم ثمینہ عارف علوی خطاب کریندے ہوئیں چھاتی دے سرطان دی علامتاں،ایں توں بچنڑاتے ایں سانگے اقدامات بارے ڈسایا۔تقریب اچ شوکت خانم کینسر ہسپتال دے عہدیداراں چھاتی دے کینسر توں متعلق پریذینٹیشن ڈتی۔ایں موقع تے وزیراعظم دی معاون خصوصی اطلاعات تے نشریات ڈاکٹر فردوس عاشق اعوان سمیت ارکان پارلیمنٹ دی ودھ ساری تعداد وی موجود ہائی۔