عمران خان پہلے وزیراعظم ہن جنہاں ریاست مدینہ دی گالھ کیتی،تحریک انصاف کو ں عوامی حمایت حاصل ہے،کہیں دے آکھنڑ نال حکومت کائناں ڈھاسی اسلام آباد اچ دفعہ 144 نافذ ہے، میڈے خیال اچ مولانافضل الرحمن 27 اکتوبر کوں کائناں آوسن وزیر داخلہ اعجاز شاہ دی پولیس سہولیاتی مرکز دے دورے دے موقع تے گالھ مہاڑ وزیراعظم دے معاون خصوصی زلفی بخاری سہولیاتی مرکز اچ قائم سمندر پار پاکستانیاں سانگے خصوصی کاﺅنٹر دا افتتاح کیتا

اسلام آباد ۔ 8 اکتوبر (اے پی پی) وزیر داخلہ اعجاز شاہ آکھیے جو عمران خان پہلے وزیراعظم ہن جنہاں ریاست مدینہ دی گالھ کیتی، تحریک انصاف کو ں عوامی حمایت حاصل ہے،کہیں دے آکھنڑ نال حکومت کائناں ڈھاسی،اسلام آباد اچ دفعہ 144 نافذ ہے، میڈے خیال اچ مولانافضل الرحمن 27 اکتوبر کوں کائناں آوسن۔ انہاں خیالیں دااظہار وزیر داخلہ منگل کوں سیکٹر ایف سکس اچ پولیس سہولیاتی مرکز دے دورے دے موقع تے گالھ مہاڑ کریندے ہوئیں کیتے۔ ایں موقع تے وزیراعظم دے معاون خصوصی زلفی بخاری سہولیاتی مرکز اچ قائم سمندر پار پاکستانیاں سانگے خصوصی کاﺅنٹر دا افتتاح کیتا۔ وزیر داخلہ ایں موقع تے ہک سوال دے جواب اچ آکھیا جو کہیں مدرسے دی رجسٹریشن منسوخ کائناں کیتی و یسی،اتے نان ہی مدرسیاں دا نصاب بدلیا ویندا پئے،بلکہ مدرسے دے بالاں کوں اعلیٰ تعلیم ڈیونڑ دی کوشش کر یندے پئے ہسے۔ وزیر داخلہ اعجاز شاہ آکھیا 2018ءدے الیکشن اچ پی ٹی آئی کوں عوام اقتدار اچ گھن تے آئے، جڈاں تئیں عوام دا اعتماد راہسی کوئی حکومت کو ں نی ڈھا سگدا۔ ایں حکومت کوں کوئی خطرہ کائنی، حکومت کوں ”ستے خیراں“ ہن، کہیں دے آکھنڑ نال حکومت کائناں ویسی۔ایں موقع تے زلفی بخاری آکھیا جو جیرھے لوک دھرنے سانگے آندے پن اوہ ملک دے خیر خواہ کائنی۔ انہاں آکھیا جو اوہ وزارت داخلہ خاص کر آئی جی اسلام آباد کوں مبارخباد ڈیندن ، جو جیرھے سرٹیفکیٹس سانگے ہفتے لگدے ہن ہنڑ ڈینھاں اچ کم تھیسی۔