پوری قوم ،خاص کر نینگرہر تریجھے مہینے باقاعدگی نال خون دا عطیہ ڈیونڑدا اہتمام کرنڑ، ایہ انسانیت دی وڈی خدمت ہے، ایندافائدہ دنیا تے آخرت ڈوہائیں جئیں تے تھیسی، پاکستان دے لوک مخیر ہن اتے ضرور ت منداں دی کھولے دل نال مدد کرنڑ مسلماناں دی میراث ہے صدر مملکت ڈاکٹر عارف علوی دا 2005ءدے زلزلہ متاثرین دی یاد اچ تھیونڑ آلی تقریب توں خطاب

اسلام آباد ۔ 8 اکتوبر (اے پی پی) صدر مملکت ڈاکٹر عارف علوی پوری قوم ،خاص کر نینگراں تے زور ڈتے جو اوہ ہر تریجھے مہینے باقاعدگی نال خون دا عطیہ ڈیونڑدا اہتمام کرنڑ، ایہ انسانیت دی وڈی خدمت ہے، ایندافائدہ دنیا تے آخرت ڈوہائیں جئیں تے تھیسی، پاکستان دے لوک مخیر ہن اتے ضرور ت منداں دی کھولے دل نال مدد کرنڑ مسلماناں دی میراث ہے۔ پاکستان ہلال احمر سوسائٹی دے زیر اہتمام 2005ءدے زلزلہ متاثرین دی یاد اچ تھیونڑ آلی تقریب توں خطاب کریندے ہوئیں صدر مملکت آکھیا جو پاکستانی قوم دا مزا ج ہے جوا وہ کوئی وی نیک کم رکنڑ نی ڈیندے اتے ایندے اچ ودھ چڑھ تے حصہ گھندن، 2005ءدے زلزلے دے فوراً بعد لوکیں دا ردعمل ساریاں دے سامنڑے ہے۔ انہاں آکھیا جو پاکستان دے ہر شہر توں لوک امدادی سامان گھن تے متاثرین دی مدد سانگے نکل پئے ہن۔ صدر مملکت آکھیا جوا یہ ترقی کرنڑ آلیاں قوماں دی علامت ہے۔ صدر مملکت آکھیا جوترکی ولوں بلڈ کلیکشن وین ڈیونڑ تے صدر رجب طیب اردوان اتے انہاں دی گھر آلی دا شکریہ ادا کریندا ہاں، ڈوہائیں ملکاں دے عوام دا تعلق گھاٹا اتے تریخی ہے۔ صدر مملکت آکھیا جو بلڈ کلیکشن وین دایہ ماڈل صوبیں تئیں ودھایا ونجنڑ چاہیدے،تاں جو دھ توں لوک ایں توں فائدہ گھن سگن ۔انہاں آکھیا جو صحت توں متعلق مسائل دا حل سانگے اساڈی مکمل توجہ ہے، ملک اچ چھاتی دے کینسر توں بچنڑ بارے آگاہی مہم جاری ہے، معاشرے دے سارے طبقیاں خاص کر علمائے کرام داکردار ایں سانگے مدد گارثابت تھی سگدے۔