وفاقی دارالحکومت اچ انسانی ہتھاں دی زنجیر اتے سارے ملک اچ مظلوم کشمیریاں نال اظہار یکجہتی دا مقصدعالمی برادری ،انسانی حقوق دے علمبرداراں اتے عالمی میڈیا دے ضمیر کوں جگاونڑہے ، وزیراعظم عمران خان اج وی ایہو پیغام ڈتا جو اسا ں مظلوم کشمیریاں سانگے ہر فورم تے گالھ کریندے راہسوں ، وزیر اعظم اقوام متحدہ دی جنرل اسمبلی توں گھن تے ہر فورم تے مسئلہ کشمیر کوں چنگے اندااز اچ اجاگر کیتام بھارتی ظلم،بربریت اتے مکروہ چہرے کوں بے نقاب کیتا اطلاعات تے نشریات سانگے معاون خصوصی ڈاکٹر فردوس عاشق اعوان دا انسانی ہتھاں دی بنڑائی گی زنجیر دے شرکاءتوں خطاب

اسلام آباد ۔ 11 اکتوبر (اے پی پی) اطلاعات تے نشریات سانگے معاون خصوصی ڈاکٹر فردوس عاشق اعوان جمعہ کوں کشمیریاں نال یکجہتی دے اظہار سانگے انسانی ہتھاں دی بنڑائی گی زنجیر ریلی اچ شرکت کیتی ۔ایں موقع تے شرکاءنال خطاب کریندے ہوئیں فردوس عاشق اعوان آکھیا جووفاقی دارالحکومت اچ انسانی ہتھاںدی زنجیر اتے سارے ملک اچ مظلوم کشمیریاں نال اظہار یکجہتی دا مقصدعالمی برادری ،انسانی حقوق دے علمبرداراں اتے عالمی میڈیا دے ضمیر کوں جگاونڑہے ۔انہاں آکھیا جووزیراعظم عمران خان اج وی ایہو پیغام ڈتا جو اساں مظلوم کشمیریاں سانگے ہر فورم تے گالھ کریندے راہسوں ۔انہاں آکھیا جو وزیر اعظم اقوام متحدہ دی جنرل اسمبلی توں گھن تے ہر فورم تے مسئلہ کشمیر کوں چنگے اندااز نال اجاگر کیتا اتے بھارتی ظلم،بربریت اتے مکروہ چہرے کوں دنیا سامنڑے بے نقاب کیتے۔انہاں آکھیا جوانسانی ہتھاں دی زنجیر صرف زنجیر دی حد تک نی بلکہ ہک ہتھ توں بئے ہتھ اتے ہک دل نال بئے دل کوں جوڑنے دا ناں ہے ،اج پاکستان دی 22کروڑ عوام کشمیریاں تے تھیونڑآلے ظلم اتے پریشانی دی شدت کوں محسوس کریندے ہوئیں باہر نکل تے احتجاج کر یندے پن ۔ انہاں آکھیا جوعوام دی ایہ آواز نہ صرف کشمیریاں کوں حوصلہ ڈیسی بلکہ وزیراعظم عمران خان دے ڈوٹوک موقف کوں اگی تے ودھیسی ۔