اسلام آباد ۔ یکم جنوری (اے پی پی) وفاقی وزیر سائنس و ٹیکنالوجی فواد چوہدری آکھیے جو حکومت تے اپوزیشن کوں قومی امور تے ہک مٹھ تھی تے سانجھا ایجنڈا بنڑاونڑاں چاہیدے ۔ بدھ کوں سینیٹ اچ گال کریندے ہوئیں انہاں آکھیا جو او حکومت تے اپوزیشن دے سارے ارکان کوں نویں سال دی مبارخ ڈیندن ۔گزریل سال کاوڑ نال مک گے نواں سال شروع تھی گے ، اساکوں اے موقع ونجاونڑاں نی چاہیدا ، نویں سال دا آغاز مختلف انداز اچ کرنڑ چاہنداں ۔ حکومت، اپوزیشن، عدلیہ تے فوج چار اہم ادارے ہن، آئین اچ انہاں اداریں وچال اختیارات دا تعین کر ڈتا گے ، انہاں آکھیے جو ملک دی آبادی دا 60 فیصد 25 سال دی عمر دے نینگر ہن ، انہاں نینگراں دے مستقبل کیتے اساکوں رل تے کم کرنڑاں پوسی
