اسلام آباد۔12مارچ(اے پی پی)اینٹی نارکوٹکس فورس، ٹوبیکوکنٹرول ڈائریکٹریٹ وزارت قومی صحت اتے عالمی ادارہ صحت پاکستان وچال معاشرے کوں تماخوں اتے منشیات توں روکنڑ اتے اوندے ضیان توں بچنڑ سانگے سانجھی جدوجہد کرنڑ داعزم کر گھدا،ہنڑ تئیں مشیات اتے تماخوں کوں کنٹرول کرنڑ سانگے انج انج کم کیتا ویندا پئے ۔ترائے اداریاں ولوں اینٹی نارکوٹکس فورس دے ہیڈکورٹر اچ یاداشتی معاہدے تے دستخط کیتے گئن جڈانجو ایں یادداشتی معاہدے دا …
اینٹی نارکوٹکس فورس، ٹوبیکوکنٹرول ڈائریکٹریٹ وزارت قومی صحت اتے عالمی ادارہ صحت پاکستان وچال معاشرے کوں تماخوں اتے منشیات توں روکنڑ اتے اوندے ضیان توں بچنڑ سانگے سانجھی جدوجہد کرنڑ داعزم کر گھدا،ہنڑ تئیں مشیات اتے تماخوں کوں کنٹرول کرنڑ سانگے انج انج کم کیتا ویندا پئے
اسلام آباد۔12مارچ(اے پی پی)اینٹی نارکوٹکس فورس، ٹوبیکوکنٹرول ڈائریکٹریٹ وزارت قومی صحت اتے عالمی ادارہ صحت پاکستان وچال معاشرے کوں تماخوں اتے منشیات توں روکنڑ اتے اوندے ضیان توں بچنڑ سانگے سانجھی جدوجہد کرنڑ داعزم کر گھدا،ہنڑ تئیں مشیات اتے تماخوں کوں کنٹرول کرنڑ سانگے انج انج کم کیتا ویندا پئے ۔ترائے اداریاں ولوں اینٹی نارکوٹکس فورس دے ہیڈکورٹر اچ یاداشتی معاہدے تے دستخط کیتے گئن جڈانجو ایں یادداشتی معاہدے دا اہم ہدف تماخوں اتے نشیات کوں روکنڑ ،ریگولیٹ اتے حوصلہ شکنی سانگے سانجھے طور موثر حکومت عملی دی آگاہی مہم،ریگولیٹری میکینزم کو ںمضبوط کرنڑ اتے صوبائی سطح تے منشیات اتے تماخوں دے عادی بندیاں دی بحالی سانگے اینٹی نارکوٹکس فورس دے ریجنل ڈائریکٹوریٹس اتے 13ماڈل ڈسٹرکٹس اچ بنڑی ڈسٹرکٹ ٹوباکو کنٹرول سیل بارے انفراسٹرکچر بنڑاونڑ اے،ایں موقع تے ڈائریکٹر جنرل اے این ایف میجر جنرل محمد عارف ملک ’ کرونا وائرس،پولیو اتے بئے وبائی امراض کوں روکنڑ بارے تعاون کرنڑ تے عالمی ادارہ صحت پاکستان آفس دے کم دی تعریف کیتی جڈانجو انہاں عالمی ادارہ صحت دے کنٹری ڈائریکٹر ڈاکٹر پالیتھا ماہیپالا دے اقدامات دی تعریف کریندیں ایں سانجھے معاہدے کوں ملکی تاریخ اچ اہم قدم قرار ڈتے ،جنرل عارف ملک بیا آکھیا جو جینویں منشیات دت لت کوں صحت دا اہم مسئلہ آکھئے،منشیات دے عادی بندیاں دی بحالی سانگے تعاون ہک اہم کم اے۔ایں موقع تے عالمی ادارہ صحت دے کنٹری ڈائریکٹر ڈاکٹر پالیتھا ماہیپالا ’ وفاقی حکومت کو ںتمباکو نوشی دی روک تھام بارے پورے تعاون دا یقین ڈوایا اتے معاشرے کوں منشیات اتے تماخوں توں پاک کرنڑ سانگے اینٹی نارکوٹکس فورس اتے وزارت قومی صحت دے ایں منفرد یادداشتی معاہدے تے دستخط دی تعریف کیتی،انہاں آکھیا جو او پاکستان کوں اپنڑاں ملک سمجھدن اتے پاکستان اچ عوام دی صحت بارے ہر مسئلے تے مدد کرنڑ بارے دلچسپی رکھیندن۔ایں موقع تے ڈاکٹر منہاج پورے ملک اچ نینگراں کوں منشیات اتے تماخوں دی روک تھام بارے کردار سانگے رضاکارا دے طور رجسٹرڈ تھیونڑ دی لوڑھ تے روشنی پاتی۔
