چین اچ پھتے پاکستانیاں کوں واپس نہ گھن تے آونڑ دا فیصلہ درست ہئی،انہاں دی صورتحال روز مانیٹر کیتی ویندی پئی اے،چین اچ1300پاکستانی طالب علماں کوں کھاونڑ پیونڑ دی شہیں خمیس کوں پجا ڈتی ویسن،عالمی ادارہ صحت پاکستان دے کورونا وائرس نال نبڑنڑ سانگے کم دی تعریف کیتی اے،زلفی بخاری

اسلام آباد ۔ 16 مارچ (اے پی پی) وزیر اعظم دے معاون خصوصی زلفی بخاری آکھیا جو چین اچ پھتے پاکستانیاں کوں واپس نہ گھن تے آونڑ دا فیصلہ درست ہئی،انہاں دی صورتحال روز مانیٹر کیتی ویندی پئی اے،چین اچ1300پاکستانی طالب علماں کوں کھاونڑ پیونڑ دی شہیں خمیس کوں پجا ڈتی ویسن۔وزیر اعظم دے معاون خصوصی برائے سمندر پار پاکستانیزسید ذوالفقار بخاری’ کورونا وائرس بارے اوورسیز پاکستانیوں کو ںآن لائن بریفنگ ڈتی اے۔بریفنگ اچ گالھ مہاڑ کریندیں ہوئیں انہاں آکھیا جو عالمی ادارہ صحت پاکستان دے کورونا وائرس نال نبڑنڑ سانگے کم دی تعریف کیتی اے۔