کرونا وائرس دے خطرے پاروں ساری سیاسی تے مذہبی کٹھ کوں فوری ملتوی کر ڈتا ونجے،جمعة المبارک دے کٹھ اچ اردو تقریر ختم،عربی خطے کوں مختصر کر ڈتا ونجے،مسیتاں اچ صفاں وچال فاصلہ رکھیا ونجے،ہتھ نہ ملایا ونجے،مریض اتے بزرگ گھر اچ نماز پڑھن، پاکستان علماءکونسل دا فتوی

اسلام آباد ۔ 17 مارچ (اے پی پی) پاکستان علماءکونسل ولوں جاری کیتے گئے فتویٰ اچ آکھیا گیا جو کرونا وائرس دے خطرے پاروں ساری سیاسی تے مذہبی کٹھ کوں فوری ملتوی کر ڈتا ونجے،جمعة المبارک دے کٹھ اچ اردو تقریر ختم،عربی خطے کوں مختصر کر ڈتا ونجے،مسیتاں اچ صفاں وچال فاصلہ رکھیا ونجے،ہتھ نہ ملایا ونجے،مریض اتے بزرگ گھر اچ نماز پڑھن۔اے فتویٰ منگل کوں پاکستان علماءکونسل ولوں دارالافتاءپاکستان، وفاق المساجد و المدارس پاکستان اتے مختلف مکاتب فکر دے جید علماءتے مشائخ ولوں کروناوائرس نال بنڑنڑ آلی صورتحال بارے پاکستان علماءکونسل دے مرکزی چیئرمین حافظ محمد طاہر محمود اشرفی دی صدارت اچ تھیونڑ آلے اجلاس دے بعد جاری کیتا گیا۔اجلاس اچ علامہ سیّد ضیاءاللہ شاہ بخاری، مولانا محمد خان لغاری، قاری جاوید اختر قادری، مولانا محمد حنیف بھٹی، علامہ سیّد سجاد نقوی، علامہ غلام اکبر ساقی، علامہ عبدالحق مجاہد، مولانا محمد رفیق جاری، مولانا نعمان حاشر، قاضی مطیع اللہ سعیدی، علامہ عبدالکریم ندیم، مولانا اسد اللہ فاروق، مفتی محمد عمر فاروق، مولانا ابوبکر صابری، مولانا اسد زکریا قاسمی، مولانا محمد نواس، مولانا مفتی حفیظ الرحمن، مولانا عمار بلوچ، مولانا سیّد محمد یوسف شاہ، علامہ طاہرالحسن، قاری عصمت اللہ معاویہ، مولانا اسید الرحمن سعید، مولانا عزیز اکبر قاسمی، مولانا محمد اشفاق پتافی، مولانا حسین احمد درخواستی، مولانا زبیر عابد، مولانا یاسر علوی اتے بئے شریک تھیے۔