اسلام آباد ۔ 19 مارچ (اے پی پی) وزیر اعظم دے معاون خصوصی برائے سمندر پار پاکستانیز سید ذوالفقار عباس بخاری آکھیا جو سعودی عرب توں عمرہ زائرین کوں وطن واپس گھن آونڑ سانگے پی آئی اے دی فیری فلائٹس دا انتظام کر گھدا گئے ۔خمیس کوں اے پی پی نال گالھ مہاڑکریندیں ہوئیں انہاں آکھیا جو بئے ملکاں اچ جینویں پاکستانی طلباءتے بئے ملازمت پیشہ لو رہندے پئن ،انہاں دی نسبت زائرین کوں بئے ملکاں اچ رہاونڑ دا کوئی آپشن کائنی کیونجو انہاں دی نہ تاں اتھاں کوئی رہائش اے اتے نہ انہاں دے ویزے ودھاونڑ دی کوئی گنجائش اے۔
