اسلام آباد ۔ 20مارچ (اے پی پی) محکمہ موسمیات دے مطابق آندے 24گھنٹے خیبر پختونخوا، اتلے پنجاب، کشمیر اتے اسلام آباد اچ تکھی ہوا تے کھمنڑ نال مینھ وسنڑ دا امکان اے جڈاں جو ملک دیاں بیاں جہیں تے موسم رکھا رہسی ۔ رپورٹ دے مطابق گزریل 24 گھنٹے اچ ملک دیاں بیاں جہیں تے موسم رکھا رہیا تاں جو مالم جبہ اچ 12 ملی میٹر، کاکول 3، ڈی آئی خان 2، دیر ایک، کوٹلی، راولاکوٹ 3، گڑھی دوپٹہ، بھکر اتے ٹوبہ ٹیک سنگھ اچ ہک ملی میٹر مینھ وسیا۔ جمعے کوں گھٹ توں گھٹ درجہ حرارت دی رپورٹ دے مطابق استور اچ درجہ حرارت صفر ڈگری سینٹی گریڈ ریکارڈ کیتا گے۔
