اسلام آباد ۔ 20 مارچ (اے پی پی)وزیر اعظم دے معاون خصوصی صحت ڈاکٹر ظفر مرزا کرونا وائرس دی معلومات کیتے قائم کیتی گئی ہیلپ لائن دا دورہ کیتے ، متعلقہ حکام ہیلپ لائن دے حوالے نال ڈاکٹر ظفر مرزا کوں بریفنگ ڈتی گی ۔ایں موقع تے گال مہاڑ کریندے ہوئیں ڈاکٹر ظفر مرزا آکھیے جو وفاق اتے صوبائی حکومتاں رل تے ہک قومی ایکشن پلان تے عمل درآمد کریندیاں پن ، وزیراعظم عمران خان کرونا وائرس دی موجوہ صورتحال دی خود نگرانی کریندے پن ۔ انہاں آکھیے جو صورتحال دی ہر ویلھے نگرانی کیتی ویندی پئی اے تے سارے متعلقہ ادارے بشمول وزارت صحت کرونا وائرس نال نبڑنڑ کیتے ہر ممکن اقدامات کوں یقینی بنڑیندے پیوں ۔انہاں آکھیے جو حکومت پاکستان شروع توں ہی کرونا وائرس توں بچنڑ کیتے موثر اقدامات یقینی بنڑیندی پئی اے ۔انہاں عوام تے زور ڈتے جو او حفاظتی تدابیر تے احساس ذمے واری نال ایں وارئس دے کھنڈنڑ کوں روک سگدن ،اساں ساریں کوں رل تے کرونا وائرس دا ڈٹ تے مقابلہ کرنڑاں اے ،ایندے توں ڈرنڑاں کائنی۔ انہاں مزید آکھیے جو کرونا وائرس نال نبڑنڑ کیتے ڈٹ تے مقابلہ کرنڑ اساڈی جت ہوسی ۔انہاں عوام تے زور ڈتے جو او حکومت پاکستان توں جاری کیتی گئی احتیاطی تدابیر تے عملدرآمد کوں یقینی بنڑاون ۔انہاں آکھیے جوکورونا وائرس بارے عوام کوں آگاہی ڈیونڑ اچ میڈیا دا وڈا کردار اے ۔ انہاں آکھیے جو کورونا وائرس بارے معلومات کیتے 1166 تے رابطہ کیتا ونج سگدے ۔ 9 ہزار توں ودھ کالز روزانہ ہیلپ لائن تے وصول تھیندیاں پن ۔
