وزیراعظم عمران خان دا آئی ایس آئی ہیڈ کوارٹرز دا دورہ، داخلی و خارجی محاذاں تے درپیش چیلینجزنال کورونا دے اثرات تے بریفنگ،ملکی سلامتی اتے خود مختاری دے تحفظ کیتے کوئی کسرنہ چھوڑی ویسی، وزیراعظم عمران خان

اسلام آباد ۔ 23 اپریل (اے پی پی) وزیراعظم عمران خان انٹر سروسز انٹیلی جنس (آئی ایس آئی) ہیڈ کوارٹرز دا دورہ کیتے۔چیف آف آرمی سٹاف جنرل قمر جاوید باجوہ، وزیر خارجہ شاہ محمود قریشی، وفاقی وزیر منصوبہ بندی و ترقی اسد عمر، وفاقی وزیر بجلی و پٹرولیم عمر ایوب خان، مشیر برائے خزانہ ڈاکٹر عبدالحفیظ شیخ اتے مشیر برائے تجارت عبدالرزاق داﺅدوی انہاں دے نال ہن۔ڈائریکٹر جنرل آئی ایس آئی لیفٹیننٹ جنرل فیض حمید وزیر اعظم دا استقبال کیتے اتے داخلی وخارجی محاذاں تے درپیش چیلینجز نال کورونا دے اثرات تے جامع بریفنگ ڈتی۔وزیراعظم آکھیا جو ملک دی سلامتی، سالمیت اتے خودمختاری دے تحفظ کیتے کوئی کسرنہ چھوڑی ویسی۔ وزیراعظم اعلیٰ ریاستی ایجنسی آئی ایس آئی دی خدمات اتے قربانیاں دی تعریف کیتی۔