قبائلی اضلاع اچ ترقی کیتے 10سال تئیں سالانہ 100ارب روپے ڈتے ویسن، فاٹا اچ امن سودھا لوکاں کوں سہولتاں ڈیونڑ کیتے 80فیصد اہداف پورے کر گھدے گین،وفاقی وزیر اطلاعات و نشریات دی قبائلی علاقہ جات ( سابقہ فاٹا) دے انتخابات دا ہک سال پورا تھیونڑ تے قبائلی عوام کوں مبارکباد

اسلام آباد ۔ 20 جولائی (اے پی پی) وفاقی وزیر اطلاعات و نشریات سینیٹر شبلی فرازقبائلی علاقہ جات ( سابقہ فاٹا) دے انتخابات دا ہک سال پورا تھیونڑ تے قبائلی عوام کوں مبارکبادڈیندے ہوئے آکھیے جوقبائلی اضلاع اچ ترقی کیتے 10سال تئیں سالانہ 100ارب روپے ڈتے ویسن، فاٹا اچ امن سودھا لوکاں کوں سہولتاں ڈیونڑ کیتے 80فیصد اہداف پورے کر گھدے گین۔اے گالھ وفاقی وزیر اطلاعات و نشریات سینیٹر شبلی فرازاسلام آباد اچ پریس کانفرنس کریندے آکھی۔انہاںا ٓکھیا جو پاکستان تحریک انصاف دی حکومت سابقہ ( وفاق دے زیرانتطام قبائلی علاقہ جات )فاٹا کوں قومی دھارے اچ رلاونڑ کون ودھ اہمیت ڈتی اے، قبائلی عوام کوں انصاف ڈیونڑدے نظام کوں سوکھا ،لیویز اتے خاصہ دار فورس دے 28ہزار اہلکاراں کوں پولیس اچ جم کیتے،فاٹا سیکرٹریٹ مکا تے صوبائی حکومت دا دائرہ اختیار ودھایا گئے،ساڈی سمت درست اے اتے قبائلی علاقیاں دے عوام اتے فوج ودھ قربانیاں ڈے تے دہشت گردی کوں منڈھو مکائے،قبائلی عوام دی پاکستان کیتے لازوال قربانیاں ہین،وزیراعظم عمران خان دا قبائلی عوام نال دلی رشتہ اے، فاٹا دے انضمام دا مقصد قبائلی عوام کوں ہکو سویں حقوق ڈیونڑ ہاجیندی پہلی کڑی وڈے پیمانے تے ترقیاتی عمل شروع کیتا گئے،این ایف سی ایوارڈتون ترائے فیصد قبائلی اضلاع کوں ڈتا ویسی،قبائلی اضلاع اچ مستحق افرادلوکاں کیتے صحت انصاف کارڈوی ڈتا گئے،تعلیم تے وی ودھ توجہ ڈتی ویندی پئی اے۔انہاںا ٓکھیے جو علاقے اچ بلدیاتی نظام نال مسائل مقامی سطح تے حل تھیسن،پاک افغان سرحد دی حساسیت پاروں انہاں علاقیاں اچ سکیورٹی موثر بنڑائی گئی اے۔