پاکستان بھارتی جاسوس کلبھوشن یادیوتئیں قونصلر رسائی کیتے عالمی عدالت انصاف دے فیصلے تے قائم اے،اقوام متحدہ دی جنرل اسمبلی دے منتخب صدر سفیر ولکان بوزکیر سنوار کوں اسلام آباد پجسن،پاکستان افغان چیف ایگزیکٹو عبد اﷲ عبداﷲ کوں دورے دی دعوت ڈتی اے، ترجمان دفتر خارجہ عائشہ فاروقی دی ہفتہ وار پریس بریفنگ

اسلام آباد ۔ 23 جولائی (اے پی پی) پاکستان آکھیے جو او بھارتی جاسوس کلبھوشن یادیوتئیں قونصلر رسائی کیتے عالمی عدالت انصاف دے فیصلے تے قائم اے،اقوام متحدہ دی جنرل اسمبلی دے منتخب صدر سفیر ولکان بوزکیر سنوار کوں اسلام آباد پجسن،پاکستان افغان چیف ایگزیکٹو عبد اﷲ عبداﷲ کوں دورے دی دعوت ڈتی اے، ترجمان دفتر خارجہ عائشہ فاروقی ہفتہ وار پریس بریفنگ اچ آکھیے جو بھارت کلبھوشن یادیو تئیں قونصلر رسائی دی تریجھی پیشکش دا کوئی ولدا نئیں ڈتا، حکومت کلبھوشن یادیو کوں سزائے موت دے بعد مقدمہ دا منصفانہ موقع ڈیونڑ کیتے ہک وکیل مقرر کرنڑ لو اسلام آباد ہائیکورٹ نال وی رجوع کیتے۔ترجمان آکھیے جو بھارت ولوں بین الاقوامی تسلیم شدہ متنازعہ علاقہ دے الحاق کیتے غیر قانونی اتے یکطرفہ اقدامات کوں 353 ڈینھ تھی چکین،مقبوضہ وادی اچ بھارتی مظالم ،لائن آف کنٹرول اتے ورکنگ باونڈری تے جنگ بندی دی مسلسل خلاف ورزیاں اتے سے شہری آبادی کوں جانر بجھ تے نشانہ بنڑاونڑدا سلسلہ جاری اے،ایں سانگے پاکستان انسانی حقوق دی تنظیماں، مبصرین اتے بین الاقوامی میڈیا کوں مقبوضہ کشمیراتے کنٹرول لائن تے ونجنڑ دامطالبہ کیتے اتے پہل کریندے ہوئے عالمی میڈیا کوں ایل او سی دا دورہ کرائے جیڑھی ہک وڈی پیش رفت اے۔ترجمان آکھیے جو فلسطین بارے پاکستان اپنڑے اصولی موقف تے قائم اے۔