بھارت ولوں کشمیر دی خصوصی حیثیت مکاونڑ دا مقصد آبادی داتناسب وٹاونڑ اے، 32 ہزار غیر ریاستی بھارتیاں کوں ڈومیسائل ڈتے گین،بھارتی فورسز کوں اختیار مل گئے جو او کشمیر اچ کتھائیں وی سٹرٹیجک اہمیت ڈیوے،صدر آزاد کشمیر سردار مسعود خان دا وزارت اطلاعات و نشریات ولوں سیمینار نال خطاب

اسلام آباد ۔ 24 جولائی (اے پی پی) صدر آزاد کشمیر سردار مسعود خان آکھیے جو بھارت ولوں کشمیر دی خصوصی حیثیت مکاونڑ دا مقصد آبادی داتناسب وٹاونڑ اے، 32 ہزار غیر ریاستی بھارتیاں کوں ڈومیسائل ڈتے گین،بھارتی فورسز کوں اختیار مل گئے جو او کشمیر اچ کتھائیں وی سٹرٹیجک اہمیت ڈیوے۔اے گالھ انہاں وزارت اطلاعات و نشریات ولوں سیمینارنال خطاب اچ آکھی۔ سیمینار نال وزیر قومی فوڈ سیکیورٹی سیّد فخر امام، سیکرٹری اطلاعات و نشریات اکبر درانی اتے بئے رہنماواں خطاب وی کیتے۔صدر ازاد کشمیرآکھیا جو کشمیر دا مسئلہ عالمگیر بنر چکیے،ایندے تے سلامتی کونسل اچ ترائے بحثاں تھی چکین،بھارت دی سدھی حکمت عملی پاکستان کوں نقصان پچاونڑ اے،تہوں انہاں دی ساری سیاسی اتے عسکری قیادت اینجھے بیانات دیندی اے،کشمیر کیتے قربانیاں ڈیونڑ تے پاکستان کوں خراج تحسین پیش کریندے ہیں،ساکوں دفاعی رویہ اختیار کرنڑ دی بجائے فعال اتے جارحانہ رویہ اختیار کرنڑا ہوسی،اے ساڈی سنجانڑ اتے دین دی بقا دی جنگ اے،اے سولائزیشنل جنگ اے جیندے کیتے رل تے لرنڑا ہوسی،ساکوں وی بھارت آلی کار ہائبریڈ وارکھیڈنڑی ہوسی اتے آر ایس ایس، بی جے پی کوں دہشت گرد تنظیماں قرار ڈیواونڑے۔