اقلیتی برادری دیاں مذہبی جہیں دے تحفظ کیتے اقدامات کریندے پیوں، صدر مملکت ڈاکٹر عارف علوی دی قومی اقلیتی کمیشن دے چیئرمین نال ملاقات اچ ڳالھ مہاڑ

اسلام آباد۔9مارچ (اے پی پی):صدر مملکت ڈاکٹر عارف علوی آکھیے جو حکومت اقلیتاں دے حقوق تے انہاں دیاں عبادت دیاں جہیں دے تحفظ کیتے اقدامات کریندی پئی اے ۔ اے ڳالھ انہاں منگل کوں قومی اقلیتی کمیشن دے چیئرمین چیلا رام کیولانی دی قیادت اچ وفد نال ڳالھ مہاڑ کریندے ہوئیں آکھی اے ۔ ۔صدد مملکت ڈاکٹر عارف علوی آکھیے جو آئین پاکستان اقلیتاں کوں بلاتفریق حقوق ݙیندے ،حکومت اقلیتاں کوں مساوی حقوق اتے ترقی دے ہکو سویں موقع ݙیندی پئی اے ۔ انھاں آکھیے جو اقلیتی برادری دے مندر، گردواریں اتے ٻیاں مذہبی جاہواں دے تحفظ کیتے اقدامات کریندے پیوں ، وفد دے ممبران کمیشن دے قیام تے حکومت دا شکریہ ادا کیتے ۔