اسلام آباد۔23مارچ (اے پی پی):وفاقی وزیر انسداد منشیات بریگیڈیئر (ر) اعجاز احمد شاہ آکھیے جو 23 مارچ دے ݙینھ اساں ایں عہد دی تجدید کریندوں جو اساں پاکستان کوں ہک مثالی ملک بݨیسوں ، اڄ دے ݙینھ نظریہ پاکستان دا باقاعدہ طور تے سنگ بنیاد رکھیا ڳیا۔ منگل کوں یوم پاکستان دے موقع تے اپݨے پیغام اچ وفاقی وزیر انسداد منشیات آکھیے جو او یوم پاکستان دے موقع تے میں قائداعظم محمد علی جناح اتے انہاں سارے قائدین کوں خراج عقیدت پیش کریندن جیڑھے جو پاکستان دے قیام دے سفر دا حصہ ہن ۔ وفاقی وزیر اپݨے پیغام اچ قوم توں اپیل کیتی جو او وبائی مرض کورونا دا مقابلہ کرݨ کیتے احتیاطی اقدامات اپناون تے آپݨے گھراں اچ رہندے ہوئیں ایندے تے سختی نال عمل کرن ۔ انہاں آکھیے جو اپݨِے گھراں اچ موجود 60 سال توں ودھ عمر دے لوکاں کوں کورونا ویکسین لواون ۔
