اسلام آباد۔20اکتوبر (اے پی پی):وزیراعظم دی معاون خصوصی سماجی تحفظ و تخفیف غربت سینیٹر ڈاکٹر ثانیہ نشتر آکھیے جو غربت مکاوݨ بالخصوص سماجی تحفظ اساݙی حکومت دی اولین ترجیح اے، پاکستان دی زراعت تے مبنی معیشت اچ بہتری گھن آوݨ غربت اچ کمی کیتے اہمیت رکھیندی اے ۔ اے ڳال انہاں “عالمی پائیدار ترقیاتی تعاون، غربت گھٹاوݨ تے دیہی ترقی” دے موضوع دے تحت چین اچ منعقدہ 2021 ء گلوبل رورل ڈویلپمنٹ فورم توں خطاب کریندے ہوئیں آکھی اے ۔ فورم دی مشترکہ میزبانی وزارت زراعت اتے دیہی امور اتے نیشنل رورل ریوائیٹلائزیشن ایڈمنسٹریشن کیتی جیں دا انعقاد چین دے انٹرنیشنل پاورٹی ریڈکشن سنٹر کیتے۔ فورم اچ چین دی عظیم کامیابیاں اتےغربت مکاوݨ دے تجربیں تے ڳال کیتی ڳئی ۔ فورم دیہی ترقی اچ بین الاقوامی تبادلیں تے تعاون کوں ودھارا ݙتے تے پائیدار ترقی کیتے اقوام متحدہ دے2030 ء ایجنڈے کوں فعال بݨاوݨ تے زور ݙتے ۔ تقریب اچ کمبوڈیا دے دیہی ترقی دے وزیر اوک یو ہلا موئے ، مرکزی وزیر کوآپریٹو اتے دیہی ترقی میانمار، اٹی۔ فلپائن دے نیشنل اینٹی غربت کمیشن دے سیکرٹری جنرل نول فیلونگکو، لاس دے زراعت اتے جنگلات دے نائب وزیر ہوگو رل پال ، انڈر سیکرٹری پیداواری شمولیت اتے دیہی ترقی، میکسیکو دی وزارت بہبود؛ فضیلہ جیوا-دوریوو ، سماجی انضمام ، سماجی تحفظ اتے ماریشس دی قومی یکجہتی دی وزیر ڈومینک زلر ، نائب صدر بین الاقوامی فنڈ زرعی؛ پروفیسر جسٹن یو فی لین شرکت کیتی۔
