لاہور۔23اکتوبر (اے پی پی):وزیر اعظم دی معاون خصوصی تخفیف غربت واحساس پروگرام دی چیئرپرسن تے وزیراعظم دی معاون خصوصی ڈاکٹر ثانیہ نشتر آکھیے جو احساس پروگرام کیتے ہݨ تئیں 260 ارب روپے مختص کیتے ڳئے ہن جنہاں کوں وختی ودھا ݙتا ویسی ، وزیراعظم اڳوں احساس مخصوص ضروری چیزاں اعانت پروگرام کیتے انڄ بجٹ دا اعلان کریسن ، احساس رجسٹریشن سروے دے ذریعے ملک گیر ڈیٹا بیس تکمیل دے مرحلے اچ تکھے طے تھیندا ہویا ہݨ لاہور پجڄ تے ٻہوں وختی مکمل تھیوݨ ویندا پئے ، گھر گھر سروے وی تھئے ہݨ رجسٹریشن سنٹر وی قائم کرݙتے ڳئن تاں جو مستحقین کیتے حکومت دی طرفوں ݙتے ڳیاں سہولتاں دا دائرہ کار مزید وسیع تھی وںجے ، لاہور ریجن اے اٹھ ضلئیں اچ 44 جݙاں جو پورے ملک اچ 400 سنٹرز قائم کیتے ڳئن ، او ہفتے فے ݙینھ لاہور اچ احساس سروے اندراج عمل دے جائزہ کیتے احساس رجسٹریشن سنٹر دے دورے دے موقع تے میڈیا نال ڳال مہاڑ کریندیاں پیاں ہن ۔ ڈی جی پنجاب بی آئی ایس پی ظفر جمال وی انہاں دے رلے ہن ۔
