لاہور۔23اکتوبر (اے پی پی):وزیر داخلہ شیخ رشید دی زیر صدارت لاہور اچ اہم اجلاس اچ وفاقی اتے صوبائی وزرا وی شریک ہن۔ وزیر داخلہ کوں ٹی ایل پی مارچ دے حوالے نال بریفنگ ݙتی ویندی پئی اے ، اجلاس اچ ٹی ایل پی دے حوالے نال اہم فیصلے متوقع ہن ۔ اجلاس اچ وفاقی وزیر مذہبی امور و بین المذاہب ہم آہنگی ڈاکٹر پیرنور الحق قادری، وفاقی وزیر امور کشمیر و گلگت بلتستان علی امین گنڈہ پور وی شریک ہن ۔ پنجاب حکومت دی طرفوں راجہ بشارت ، آئی جی پنجاب اتے بئے وی اجلاس اچ موجود ہن ۔ہفتے کوں کجھ دیر پہلے وزیر داخلہ شیخ رشید احمد کلعدم ٹی ایل پی نال مذاکرات کیتے لاہور پڄن ۔ وزیر امورکشمیر و گلگت بلتستان علی امین گنڈا پور وی وزیر داخلہ دے رلے آئن جݙاں جو وزیر مذہبی امور نور الحق قادری پہلے ہی لاہور اچ ہن ۔
