اسلام آباد۔1فروری(اے پی پی)وزیر خارجہ شاہ محمود قریشی آکھیے جو سٹیٹ بینک کوں کہیں غلامی اچ نئیں ݙتا اے، قائد حزب اختلاف دا استعفیٰ ڈرامہ اے، اے کݙاھیں اپݨی سیٹ نہ چھڑیسن، اے سمجھوتہ کرݨ آلے لوک ہین، انہاں تے اپوزیشن ارکان اعتماد نہ کرن جو اے ووٹ مل ڳھن تے سینیٹر ٻݨین، پیپلزپارٹی (ن) لیگ نال قائد حزب اختلاف دی تقرری ویلھے وی ہتھ کیتے، اے ٻنھاں لوکاں کوں سݙ تے آپ گم تھی ڳین۔ سینیٹ اچ الیندے انہاں آکھیا جو سٹیٹ بینک خود مختار ٻݨاوݨ معاشی ذمہ داریاں دا حصہ اے تاں جو حکومتاں ایکوں اپݨے مقصد کتیے استعمال نہ کرسڳن، بورڈ آف ڈائریکٹرز دی تقرری دا اختیار کابینہ اتے وزیراعظم کولو ہوسی، سٹیٹ بینک دی رپورٹ پارلیمنٹ اچ پہلے آلی کار ہی پیش تھینداں راہسن۔ انہاں آکھیا جو قائد حزب اختلاف چیئر تے اعتراض کیتن جیندے قوانین اجازت نئیں ݙیندے، چیئرمین صرف اپݨا حق استعمال کیتے، قائد حزب اختلاف پوری معلومات دے باوجود آپ ڄاݨ تے گم ہن، ہݨ انہاں دا استعفیٰ وی ݙرامہ اے، اے ایویں کرسی نال چمٻڑیے راہسن اتےا ستعفیٰ چا ڳھنسن۔
