اسلام آباد۔1فروری(اے پی پی)وزیر مملکت پارلیمانی امور علی محمد خان آکھیے جو نیپرا بجلی دی قیمت 3.34 روپے فی یونٹ ودھاوݨ دی تجویز ݙتی ہئی جیکوں حکومت نئیں منیا اتے ایں سانڳے فروری توں نومبر تئیں صارفین کوں 168 ارب روپے دا ریلیف ݙتے۔ سینیٹ اچ سوالاں دا ولدا ݙیندے انہاں آکھیا جو 50 یونٹ تئیں بجلی استعمال کرݨ آلے صارفین تے کوئی ٻھار نئیں سٹیا ویندا، وزیراعظم نیپرا دی تجویز مسترد کر ݙتی اے جو عوام کوں ریلیف ملے، اساں آئی ایم ایف پروگرام دو ڳئے ضرور ہیں ٻھل ملکی مفاد دے خلاف کوئی سمڄھوتہ نئیں کیتا۔
