اسلام آباد۔1فروری(اے پی پی)صدر مملکت ڈاکٹر عارف علوی ہائر ایجوکیشن کمیشن کوں آن لائن فاصلاتی تعلیمی پالیسی دے تیکھے نفاذ دی ہدایت کریندے آکھیے جو جامعات طلبہ دے سستی تعلیم سانڳے ورچوئل تعلیمی جزو ودھاون، تکنیکی خلا پر کرݨ اتے تیکھی ترقی کیتے اسکل ڈویلپمنٹ و آئی ٹی تعلیم تے توجہ ݙتی ونڄے۔ اے ڳالھ انہاں ایوان صدر اچ نیشنل یونیورسٹی آف ٹیکنالوجی (نیوٹیک) تے بریفنگ اجلاس نال خطابا چ آکھی جو غیر ملکی جامعات اتے تربیتی اداریاں نال ہتھ ونݙاوݨ پاروں افرادی قوت دی پیشہ ورانہ ترقی اچ مدد ملسی۔ اجلاس اچ نیوٹیک فیکلٹی ممبران، ایچ ای سی نمائنداں اتے حکومت دے اعلیٰ حکام شرکت کیتی۔ ریکٹر نیوٹیک لیفٹیننٹ جنرل (ر) خالد اصغر انجینئرنگ دے مختلف شعباں اچ تعلیمی پروگراماں تے بریفنگ ݙتی جو نیوٹیک مصنوعی ذہانت، روبوٹکس، انجینئرنگ اتے آئی ٹی دے ٻئے شعبیاں اچ پروگرام شروع کرݨ دا منصوبہ ٻݨائے۔ انہاں مستقبل دے منصوبیاں اتے آن لائن ایجوکیشن سپورٹ سسٹم دی تیاری تے وی بریفنگ ݙتی۔
