اسلام آباد ۔2فروری (اے پی پی):وزیر مملکت اطلاعات و نشریات فرخ حبیب آکھیے جو ٹیکسٹائل برآمدات دا حجم25 فیصد ودھارے دے نال 10.93ارب ڈالر تئیں پڄ ڳئے۔ ٻدھ کوں آُپݨے ھک ٹویٹ اچ وزیر مملکت اطلاعات و نشریات فرخ حبیب آکھیے جو کورونا دے باوجود وزیراعظم عمران خان دی صنعت دوست پالیسیاں دی بدولت ٹیکسٹائل دا شعبہ ترقی کریندا پئے ۔ اڄوکے مالی سال جنوری اچ ٹیکسٹائل برآمدات 17 فیصد ودھارے دے نال 1.55ارب ڈالر ریکارڈ تھئن ۔ وزیر مملکت آکھیے جو صنعت دوست پالیسیاں دی بدولت ٹیکسٹائل برآمدات دا ہݨ تئیں حجم25 فیصد ودھارے دے نال 10.93ارب ڈالر تئیں پڄ ڳئے ۔
