اپوزیشن راہنماواں ٻاہرلے ملک اثاثے بݨائن ،اے عمران خان تے احتساب دے ݙر توں کٹھے تھیندے پئن ، سینیٹر فیصل جاوید

اسلام آباد۔8فروری (اے پی پی):سینیٹ دی قائمہ کمیٹی اطلاعات و نشریات دے چیئرمین سینیٹر فیصل جاوید آکھیے جو اپوزیشن راہنماواں ٻاہرلے ملک اثاثے بݨائن ،اے عمران خان تے احتساب دے ݙر توں کٹھے تھیندے پئن عدم اعتماد دی تحریک بیشک گھن آون ناکامی انہاں دا مقدر بݨسی ،اے لٹی دولت وطن واپس گھن آسن ۔ منگل کوں سینیٹ اچ اعتراض دے نکتے تے ڳال کریندے ہوئیں انہاں آکھیے جو عوام دے پیسے توں ایوان دی کاروائی چلدی اے لیکن اپوزیشن ول ول کورم دی نشاندہی کرتے چلی ویندی اے ، اے جیڑھا کجھ مرضی کر گھنن ، ناکامی انہاں دا مقدر ہوسی ، ایماندار تھاݨِیدار آونڄے تاں سارے چور کٹھے تھی ویندن ۔